Равшан Ҳайдаров: “U–23 терма жамоасини 3та мусобақа кутмоқда”
22 июл 2016 18:01
Янгиликлар

Равшан Ҳайдаров: “U–23 терма жамоасини 3та мусобақа кутмоқда”

Теглар : Ўзбекистон U-23 Равшан Ҳайдаров

Ироқ ҳамда Ўзбекистон U–23 ўртасидаги ўртоқлик учрашувидан сўнг терма жамоамиз бош мураббийи Равшан Ҳайдаровни суҳбатга тортдик.

- Ўртоқлик ўйинини ташкил этиб биз иккита мақсадимизни амалга оширмоқчи эдик. Биринчидан, миллий терма жамоамизнинг энг яқин захираси қандай аҳволда ва Австрия йиғинига сиғдира олмаган, бази бир сабаблар билан ўша йиғинга бора олмаган футболчилар бор эди. Мисол учун, Сардор Мирзаев, Зафар Полвонов, Жалолиддин Машарипов. Мана шундай ўртоқлик ўйинларида ушбу футболчиларни ва бошқа футболчиларни кўрикдан ўтказиш мақсадимиз эди. Иккинчидан, 1995 йилда таваллуд топган футболчилардан иборат терма жамоамиз олдида 3та мусобақа бор.

Ушбу терма жамоамиз тайёргарлиги мана шу ўйин билан бошладик. U–23 терма жамоамиз насиб қилса Осиё чемпионати саралашида, Осиё ўйинларида ва Осиё чемпионатида иштирок этади. Лекин U–23 терма жамоасининг асосий вазифаси миллий терма жамоамизга янги футболчиларни тайёрлаб бериш. Ироқ терма жамоасига қарши ўйнаган Достон Ҳамдамов, Акром Комилов Австриядаги йиғинда қатнашишди. Улар мен билан Тошкентга қайтиб келишди. Жавоҳир Соҳибов, Элдор Шомуродов, Жамшид Болтабоев эса 1995 йилда таваллуд топган футболчилар. Улар миллий терма жамоага жалб қилиниб секин – асталик билан ўз ўрнини топиб боришяпти. Ўйлайманки ушбу терма жамоа мана шу мақсад билан ўз фаолиятини давом эттиради”, - дейди U–23 терма жамоаси бош мураббийи Равшан Ҳайдаров.

Жаҳонгир Сотволдиев суҳбатлашди