Равшан Элибоев: "Ўша голим орқали Игитага жавоб бердим: "Бу иш ўзбекларнинг ҳам қўлидан келади"

- 4-тур ўйинлари ҳақида. Мавсумда илк марта мағлуб бўлдик. Кейин эса оғир ўтиши кутилган ўйинда 11та гол урдик.

- Ушбу турда ўз олдимизга қўйилган мақсадга эриша олмадик. Чемпионликдаги асосий рақобатчимиз АГМКни мағлуб этишни истагандик. Ушбу баҳсдан тўғри ҳулоса чиқарган ҳолда "Насаф" билан ўйинга майдонга тушдик. Рухий ва тактик тайёргарлик яхши бўлди. Шу орқали ўйинимизни муваффақиятли якунладик.

- Ушбу мавсумда 2та гол урдингиз. Мавсум якунигача нечта гол уришни истайсиз?

- Дарвозабон бўлиб, гол уриш ёқимли ҳолат албатта. Бу мавсумда 10та гол уришни ният қилганман. Насиб этса, мақсад сари олға борамиз!

- Қозоғистон термасига қарши ўйинда масалани ҳал қилган голни урдингиз. Буни 1-ўйинда Игитанинг голига жавоб деб айта оласизми?

- Қозоғистонга қарши иккала баҳс ҳам биз учун муҳим эди. Шу кунга қадар улани мағлуб эта олмагандик. Тарихни янгилашни астойдил истадик. Шукурки бунга эришдик ҳам. Албатта, голим орқали Игитага жавоб бердим деб ҳисоблайман. Бундай ишни қилиш бизнинг ҳам қўлимиздан келишини кўрсата олдик.

- Янги йил тилакларингиз.

- Кириб келаётган 2022-йил барчамизга қувонч, улкан ғалабалар, биз спортчиларга эса қўйилган вазифаларни аъло даражада якунлаб, юқори ўринларни қўлга киритиш насиб қилсин. Доимо юртимиз байроғи ва мадхияси жаҳон ареналарида янграйверсин.