70 ёшли француз футболни глобал ривожлантириш раҳбари этиб тайинланди. Венгер бутун дунё бўйлаб эркаклар ва аёллар ўртасида футболни ривожлантириш ва рағбатлантириш ишларига жавобгардир.
Венгер бир неча вазифалардан ташқари мураббийларни тайёрлаш ишлари билан ҳам шуғулланади. Шунингдек, футболчиликдан мураббийликка ўтишни осонлаштирувчи дастурни бошқаради.
Бугун Венгерни ФИФАнинг Цюрихдаги штаб-квартирасидаги янги лавозимида ташкилот президенти Жанни Инфантино кутиб олди.
Эслатиб ўтамиз, Венгер олдинроқ "Бавария"ни бошқариши мумкинлиги ҳақида хабарлар янграган эди.
