Расман: "Реал" собиқ ҳужумчиси "Алавес"га ўтди
08 авг 13:14
Янгиликлар
Расман: "Реал" собиқ ҳужумчиси "Алавес"га ўтди
"Алавес" "Реал"нинг 32 ёшли собиқ ҳужумчиси Мариано Диас билан шартнома имзолади.
Шартнома 2027 йилнинг ёзига қадар мўлжалланган.
Доминиканлик футболчи мавсумолди машғулотларини муваффақиятли ўтказганидан сўнг клуб сафига қўшилди.
"Реал" тарбияланувчиси 2016/17 йилги мавсум Мадрид клубининг асосий жамоасида дебют қилган ва 14 учрашувда 5 та гол урган. Шундан сўнг у икки йилни Франциянинг "Лион"ида ўтказган, сўнгра "Реал"га қайтиб, у ерда кўплаб унвонларни қўлга киритганди, жумладан, учта Ла Лига чемпионлиги, иккита Чемпионлар Лигаси соврини ва Испания Кубоги.
Ҳужумчи сўнгги мавсумни "Севилья"да олиб борди ва турли турнирларда 13 ўйинда қатнашди. Мариано июль ойида "Алавес" машғулотларига қўшилди ва энди расман Эдуардо "Чачо" Кудета бошчилигидаги жамоа таркибида ўйнайди.
Ўхшаш янгиликлар
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
Криштиану Роналду фаолиятида илк бор Португалия термаси сафида қизил карточка олди
Ўзбекистон Хорватия баҳсининг бошланиш вақти маълум
Ўзбекистон U-23 терма жамоаси мағлубиятга учради
Фикрлар