Расман: Олимпиада бронза медали соҳиби "Машъал"га ўтди
29 июл 2025 17:06
Янгиликлар

Расман: Олимпиада бронза медали соҳиби "Машъал"га ўтди

Муборакнинг "Машъал" жамоаси ўз сафига яна бир тажрибали легионерни қўшди.

Нигериялик вингер Умар Амину клуб билан 1 йиллик шартнома имзолади.

30 ёшли футболчи Нигерия миллий терма жамоаси собиқ аъзоси ҳисобланади. У ўз фаолияти давомида Туркиянинг "Самсунспор", "Османлиспор", "Ризеспор", "Бодрум", "Бандирмаспор", "Тузласпор", "Бейкоз Анадолу", шунингдек, Кипрнинг “Миракл Дегирменлик" жамоаларида тўп тепган.

Туркия Суперлигасида 159 учрашув ўтказган Умар Амину ўзининг бой тажрибаси ва юқори савиядаги ўйинлари билан "Машъал" жамоаси ярим ҳимоясига куч ва барқарорлик олиб кириши кутилмоқда.

Эслатиб ўтамиз, Амину 2016 йил Нигерия билан Риодаги Олимпия Ўйинларида бронза медалига эга чиққан.

Ҳавола :

Манба : "Машъал" матбуот хизмати

Янгиликларни Телеграмда ўқинг!

Рейтинг: +11