Расман: ОКМК грузиялик футболчи трансферини эълон қилди

"Эркин агент мақомидаги тажрибали таянч ярим ҳимоячи — Гиорги Папава жамоамизга қайтди. ОКМК ва футболчи ўртасида 2 йиллик шартнома имзоланди", – дейилади олмалиқликлар хабарида.

Гиорги Папава 1993 йил 16 февралда Грузия пойтахти Тбилиси шаҳрида таваллуд топган. Фаолиятини "Динамо" Тбилисида бошлаган, кейинчалик Кипрнинг "Неа Саламина" ва Грузияда "Дила Гори", "Рустави" ҳамда "Гагра" жамоаларида тўп тепган. Унинг сўнгги жамоаси ҳам айнан "Гагра" ҳисобланади. 

Маълумот ўрнида, Папава 2022 йилги Суперлига мавсумининг иккинчи қисмида ОКМКга келиб қўшилганди. Ўшанда Папава "кончилар" сафида 13 ўйинда ҳаракатланиб, 1 та гол ва 1 та голли узатмани ижро этган. 2023 йилги Суперлига мавсумининг биринчи қисмини эса пойтахтнинг "Пахтакор" жамоасида ўтказган Папава 3 та ўйинда майдонга тушган.

Папава фаолияти давомида 298 та ўйин ўтказган ва рақиблари дарвозасига 8 маротаба тўп киритган.