Расман: "Атлетико"нинг юраги жамоани тарк этмоқда. Хайрлашув маросими қачон бўлиши аниқ бўлди
06 май 2019 23:45
Янгиликлар

Расман: "Атлетико"нинг юраги жамоани тарк этмоқда. Хайрлашув маросими қачон бўлиши аниқ бўлди

«Атлетико» жамоанинг кўп йиллик сардори Диего Годиннинг клубдан кетаётганини эълон қилди.

Футболчи билан хайрлашув маросими сешанба куни «Ванда Метрополитано»да бўлиб ўтади.

33 ёшли ҳимоячи фаолиятини «Интер»да давом эттиради. У «нерадзурри»лар билан 3 йиллик шартномага имзо чеккан. Қайд этиш жоизки, Годин Италия жамоасига эркин агент сифатида ўтмоқда. Уругвайлик футболчи «матрасчилар» сафига 2010-йилда «Вильярреал» клубидан келиб қўшилганди.

Годин «Атлетико» билан бир мартадан ЛаЛига, Испания Кубоги ҳамда суперкубоги чемпионлигини, 2 мартадан Европа лигаси ва УЕФА суперкубоги ғолиблигини қўлга киритганди. Шунингдек, марказий ҳимоячи Мадрид жамоаси билан 2 бора ЕЧЛнинг финалига чиққан.

Ҳавола :

Манба : Atletico Madrid

Янгиликларни Телеграмда ўқинг!

Рейтинг: +39