Рамос: "Йиллар давомида Мессига қарши ўйнашда қийинчиликка дуч келганман"

Франциянинг ПСЖ клуби ҳимоячиси Серхио Рамос жамоадоши Лионель Мессини футбол тарихидаги энг яхши футболчи деб ҳисоблайди.

"Бир неча йил давомида Мессига қарши ўйнашда қийинчиликка дуч келганман. Энди у билан бирга ўйнашдан завқ оляпман. У футбол яратган энг яхши футболчи", – деди Рамос.

35 ёшли аргентиналик футболчи 2021 йил августидан бери ПСЖ сафида тўп тепяпти. Жорий мавсумда у француз клуби сафида 23 та ўйинда қатнашиб, 14 та гол урди ва 14 та голга ассистентлик қилди.