Рафинья энди Лондринанинг фахрий фуқароси
25 дек 2013 00:45
Янгиликлар

Рафинья энди Лондринанинг фахрий фуқароси

"Бавария" ҳимоячиси Рафинья Лондрина шаҳрининг фахрий фуқароси номига сазовор деб топилди.

Бразилиялик футболчи Лондрина шаҳрида таваллуд топган. Парана штатида жойлашган ушбу шаҳар билан Рафиньяни кўп нарсалар боғлаб туради. Футболчи ҳозир она шаҳрида истиқомат қилмаса-да, у Лондринада ўтказиладиган кўплаб тадбирларнинг фаол иштирокчиси саналади. Мисол учун, ўтган йили Лондринада ташкил этилган ёш футболчилар фестивалини моддий томондан, айнан, 28 ёшли футболчи қўллаб-қувватлаган эди. Шу жиҳатларни ҳисобга олган ҳолда, бугун унга "Лондрина шаҳри фахрий фуқароси" унвони берилди.
Эслатиб ўтамиз, бразилиялик ҳимоячи яқиндагина "Бавария" билан шартномасини 2017 йилга қадар узайтриган эди.

Ҳавола :

Манба : fussballportal.de

Янгиликларни Телеграмда ўқинг!

Рейтинг: