UZ

Сўнгги янгиликлар

21:30Про лига. "Бухоро" мавсумдаги илк мағлубиятни Муборакда қабул қилиб олди, "Арал" эса "Шўртан"дан устун келди  7 21:22Неъматилло Қуттибоев: "Ўйин тақдирини биринчи бўлимда киритилган голлар ҳал қилди. Иккинчи таймда натижа учун ўйнадик"  0 21:05Анвар Бердиев: "Йигитларга бунақа майдонда охиригача курашгани учун миннатдорчилик билдираман"  2 21:00Суперлига. "Динамо" – "Олимпик" 0:0 (матнли трансляция)  6 20:48Мухлислар Роналдунинг жарима зарбасини тепишдан олдин ўзига нима дейишини аниқлади  6 20:31"Бавария" япониялик футболчи трансферини эълон қилди  2 20:15"Боруссия"нинг 35 ёшли собиқ футболчиси клуб бош мураббийига айланади  1 19:45Европа Чемпионати очилиш учрашувини ким бошқариши маълум  11 19:26Де Лигт "Манчестер Юнайтед"га ўтиши мумкин  0 18:52Эшитдик-да! Қирғизистон терма жамоасининг янги бош мураббийи ким бўлиши маълум  4 18:44Футзал. ОКМК ва БМБ ўртасидаги ярим финалда 12 та гол урилди  2 18:32Ибрагимович: "Леау, Меньян ва Тео Эрнандес "Милан"да қолади"  0 18:10"Насаф"нинг ОФК Чемпионлар лигасидаги йўли — 300 мингдан 3 миллион АҚШ долларигача  17 17:53Қирғиз Республикаси терма жамоаси билан тарихий натижа қайд этган мураббий ишдан кетди  7 17:20Евро-2024. "Қизилқум" устози Жамшид Саидов: "Футболчилари АПЛнинг гранд жамоаларида ўйнайдиган Шотландия кутилмаган натижа қайд этиши мумкин"  0

Миржалол Қосимов: "Ўғлимнинг голи ҳақида гапиришни истамайман. Ишхонада у футболчи, уйда эса ўғлим. Ушбу масалага нуқта қўйиш керак" Янгиликлар

Миржалол Қосимов: "Ўғлимнинг голи ҳақида гапиришни истамайман. Ишхонада у футболчи, уйда эса ўғлим. Ушбу масалага нуқта қўйиш керак"

Суперлига 7-тур доирасида ўтказилган "Локомотив" - ОКМК (0:2) учрашувидан сўнг ОКМК бош мураббийи Миржалол Қосимов матбуот анжуманида иштирок этди


- Ўйин ҳақида

- Жуда муҳим учрашув эди. Бугунги учрашув курашларга бой ва шиддатли бўлди. Рақибимиз "Навбаҳор"дан учралган мағлубиятдан сўнг ютқазишга ҳаққи йўқ эди. Биз ҳам ўтган учрашувда мағлуб бўлгандик. Бугун голгача ўйин бўлди ва биринчи бўлиб гол урган жамоа ғалаба қозонди. Ғалаба қозонганимиздан хурсандмиз. Аввалари 6-7 турдан сўнг пешдақамлар ажралиб чиқар эди, сўнги йилларда эса бундай ҳолат кузатилмаяпти. Мусобақа жадвалида жамоалар зич жойлашган.

- Бугун ОКМК жамоаси голга қадар анча қийналди. Асосан тўпга эгалик қилиш ва пас ўйнашга интилди. "Локомотив" эса кўпроқ рақиб ўйинини бузиш билан шуғулланди. Бундай рақибга қарши ўйнаш қанчалик қийин бўлди?

- Кеча бўлиб ўтган "Насаф" ва "Бунёдкор" учрашуви ҳам шундай кечди. Вертикал футбол ва курашлар кўп бўлди. Ўзимнинг жамоам ҳақида гапирадиган бўлсам, мен ҳар доим тўп билан муомала қилиш тарафдориман. Тизимсиз футбол қачондир натижа беришдан тўхтайди. Менинг жамоамда кўпроқ тўп билан муомала қилиш ва ҳужумга ўтиш чоғида тартибли ўйин намойиш этиш муҳим. Бу менинг услубим.

- Жорий мавсум "Локомотив" сафида тўп тепаётган уч нафар футболчи Санжар Турсунов, Анзур Исмоилов ва Муҳаммаданас Ҳасановлар ўтган мавсумлар давомида жамоангизда фаолият юритганди. Уларнинг ўйин услубини аниқ биласиз. Шу жиҳат сизга бугунги учрашувда устунлик бердими?

- Бу йигитлар нимага қодир эканлигини биламан. Майдон марказида Санжар Турсунов ва ҳимояда Анзурнинг имкониятларини паст баҳолашнинг иложи йўқ. Йигитларда катта тажриба бор. Улар узоқ вақт давомида миллий терма жамоада ўйнашган. Шу сабабли, бугун осон ўйин бўлмади.

- Бугун ОКМК учрашув якунида иккита гол киритди ва ғалабани илиб кетди. Лекин бугунги учрашувда жамоангиз ўйинида ёрқинлик сезмадим. Аввалари жамоангиз гол уриши керак бўлганида жуда чақнаб ва ёрқин ўйнарди. Бугун бундай бўлмади. Бунга сабаб нима?

- Зўр ўйнаган учрашувда ҳар доим ҳам ғалаба қозонавермайсиз. Ёрқин ўйнашингиз мумкин, аммо натижа бўлмаса фойдаси йўқ. Муаммоларимиз етарлича. Ўтган мавсумдан буён жароҳатдан тикланаётган футболчиларимиз бор. Олимпия терма жамоамизнинг финал учрашувини ўтказиб юборган Абдуқодир Хусанов, Аббосбек Файзуллаев ва Ҳожимат Эркиновларсиз ўйин қандай ўзгарганини сездингиз. Ҳар бир футболчи, бир деталдек гап. Йигитларимиз финалда зўр ўйнашди, аммо бироз омад етишмади.

- Бугун ўнг қанот ҳимоясида ўйнаган футболчи Баҳромовнинг ўйинига баҳо бериб ўтсангиз? У бугун жуда яхши ўйнади.

- Баҳромов асли ярим ҳимоячи. Баҳромов ҳали кўп меҳнат қилиши керак, айниқса ҳимоядаги ҳаракатларини яхшилаши зарур. У тўп билан яхши муомала қилади. Ёш футболчининг оёғи ердан узилиши керак эмас. У ўзи учун меҳнат қилиши керак. Мақтовларни эшитиб ўзгаришини бошлаши мумкин. Мен футболчиларнинг юрган қадамидан нима бўлаётганини сезаман. Энг муҳими, меҳнат қилишда давом этиш. Таркибимизда ёш футболчилар кўп, аммо улар ўзи учун курашиши керак.

- "Локомотив" бош мураббийи Александр Стоймирович бир неча йил давомида сизнинг штабингизда фаолият юритганди. Бугунги учрашувда уни мағлубият этиш сиз учун қанчалик муҳим эди?

- Менга рақибнинг ва бош мураббийнинг ким эканлиги аҳамиятга эга эмас. Суперлигадаги барча 26 учрашув биз учун муҳим. Мақсадимиз мухлисларни хурсанд қилиш ва яхши натижага эришиш. Жамоамизда алмашинув жараёни бўлиб ўтмоқда. Ёш ва тажрибали футболчилар бор. Майдонда футболчининг ёши аҳамиятсиз. 40 ёшлик ўйинчи бўладими ёки 16 ёшлик футболчи бўладими жамоа учун фойда келтириши керак.

- Жамоада бир нечта футболчи узоқ вақт давомидан бери жароҳатлардан тикланмоқда. Уларнинг ҳолати ҳақида маълумот берсангиз?

- Рубен Санчеш ва Шоҳрух Гадоев каби футболчиларимиз узоқ вақтдан бери тикланишмоқда. Тиззадан олинган жароҳатлар тикланиш учун узоқ вақт талаб этади. Мен ўзим ҳам белимни операция қилдирганман ва бир йил футбол ўйнамаганман. Барчасига вақт керак. Статистика бўйича футбол энг кўп жароҳат олинадиган спорт тури ҳисобланади.

- Бугун ўғлингиз сизнинг услубингизда гол урди. Миржамол Қосимовнинг голи ҳақида фикр билдириб ўтсангиз?

- Шу мавзуни қўйинглар. Ишхонада у футболчи, уйда эса ўғлим. Яхши гол урди, яна кўпроқ гол урсин ва жамоага фойда келтирсин. Шу масалага шу ерда нуқта қўйиш керак.



Рейтинг: +10   

Фикрлар

+5   
14 май 23:45:38
Кодиржон Жалилов
Миржалол ака галаба муборак негативчиларди анча овози учди давомий булсин омад сизга жамоангизга
+5   
14 май 23:33:44
Uz paxtakor Uz
Мураббийди угли или жияни уйнаши айиббас омадини берсин хаммасини. Бизани Узбекларда чуп борде бирор мураббийни угли или жияни ёки киёву буса ковлашоради. Миржамолди голига гап йук
+3   
14 май 23:39:28
Ruzmat
Да реально, Азизбек Бахрамов жуда зур уйнади, асосийси мехнат килишдан тухтамаса булди. Омад АГМК
+2   
14 май 23:34:04
Сурхон футбол клуби
Миржалол ака гап йўқ бугун жамоангизни икаинчи бўлимида бир ярим больше қўйгандим. рости умидимни узгандим. Охирида ёндирди жамоангиз гап йўқ қойил кейинги ўйинларингизга омад
+1   
15 май 06:53:27
????????UZB????????
Жаноб Косимов ишийизга омад рахмат сизга ва футболчиларга хам.Мухлислар анча хурсанд булишди.2 та гол хам жуда чиройли урилди.Сиз хам футболчилик вохтизда жуда чиройли голлар билан мухлисларни хурсанд килгансиз хаммаси учун рахмат.Кейинги уйинларда хам омад ёр булсин.
   
15 май 21:49:44
Туйгун
Койил Косимов савол берган пахтачи журналисни боблабди мураббийини угли футболчи булиши табийи чунки футболчилар оиласига катта булган бола футболчи буладида бу уятмас аммо бунака саволлардан одам хижолат булиб килади айрим журналистларимизни онги жудаям паст.
   
15 май 07:46:13
Tinchliksevar
Ishxonadami uydami baribir o‘g‘lingizligicha qoladi janob murabbiy sababi qayerga borsangiz sudrab yuribsizu o‘zingiz bilan
   
15 май 05:14:53
Ula1984
Ха яхшиям 7йил деганда битта гол урибти углиз Миржалол ака.
championat.asia
< сўнгги янгиликларни кўриш
Яндекс.Метрика