UZ

Сўнгги янгиликлар

13:20Реднапп: "Кейн ва Почеттино "Тоттенхэм"ни тарк этмайди"  0 13:10Мотта: "Мураббийларнинг 99% ПСЖни бошқаришни исташади"  3 12:56Ёшлигимиз ҳимоячилари  12 12:30Дани Алвесга Аргентина клуби қизиқиш билдирмоқда  2 12:22Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  13 12:14Спиридон: "Жигули Феррарига етиб ололмайди"  1 12:06"Барселона" Коутиньони 100 млн. еврога сотиши мумкин  6 11:40International Champions Cup турнирида иштирок этадиганлар номи маълум бўлди  9 11:23"Металлург": Андрей Сергеевич Шипиловни табриклаймиз!  2 11:22Olamsport: Рио Олимпиадасида қатнашган ўзбек боксчиси бугун проф рингда дебют қилади ва бошқа хабарлар  0 11:17Россия терма жамоаси Қозоғистонда  34 11:05U-23 Осиё чемпионати. Кеча 1-тур учрашувлари ўтказилди  6 10:45Жиру қачон терма жамоадан кетиши маълум бўлди  3 10:32Ўртоқлик ўйинлари. Мексика, Гватемала ва Перу ғалабага эришди  0 10:29Ўзбекистон U-18 терма жамоаси назорат учрашувида дуранг қайд этди  3

Қўрқоқ, Испания... Янгиликлар

Қўрқоқ, Испания...

Теглар :  ЖЧ-2018Испания
Бугун Хулен Лопетеги истеъфога чиқарилди.

ЖЧга бир кун қолганида испанлар қўрқоқлик қилишди, энди терманинг омадли иштирокига ким кафолат беради?

Уларнинг орасида шундай терма борки, улар юқори даражадаги футболчилари билан камчиликларни ёпиб кета олади. Испания термасида кучли футболчилар жуда кўп, бошқаларда эса бунчалик даражада эмасдек.

"Фурия Роха" Лопетеги қўл остида Дель Боске даврига қараганда анчагина айёрроқ, тартиблироқ, ақллироқ ўйин кўрсатаётганди. 6 йил олдинги Испания термаси "Барселона" ва "Реал" футболчиларидан ташкил топганлиги боис ҳеч қайси рақибга имконият бермаётганди.

Дель Боскенинг вазифаси - мўжизакор авлодни янада шакллантириш бўлганди. Орадан вақт ўтиб, кичик ўзгаришлар бўлди ва терманинг тактикаларига вирус, автобус топилди. Тренд антитрендга айланди ва барчаси хавф остида қолди.

Ўтган вақт давомида Испания термасида анчагина ўзгаришлар амалга ошаётганини кўрдик, бироқ ёмон тарафга эмас. Жамоанинг катта ютуғи - хилма-хиллик. Жамоа пойдеворидаги асосий футболчилар хар хил жамоалардан йиғилган ва барчасининг ўз вазифаси бор. Давид Сильва ва Андрес Иньеста каби футболчилар барибир узун паслар орқали шерикларига ёрдам беришади. Ҳужум ва ҳимояга ҳам улгуришади.

Энди мунидалга таран Диего Коста ҳам боради. Агарда бунга қадар Испания фақатгина паслар орқали ҳужумлар уюштирган бўлса, энди ҳаволатиб тўп оширишлари орқали ҳам голлар киритиши мумкин. Коста ҳаводаги курашларда ҳеч кимга имконият бермайди. Ундан ташқари, Родриго ва Яго Аспас ҳам бор, уларга вертикал тўп узатишлари ёқади, қарши ҳужумларга тезкорлик билан ўтиб кета олишади.

Жамоа эскилик сарқитидан чиқиб кетаётган бир вақтда Лопетеги ишдан кетди. У термада Мората ва Сеск каби етакчиларсиз ҳам ўйнай олишини исботлаётгандек эди.

Испаниянинг яхши ўйинлари сабабли рақиблар тез-тез очиқ зоналар ташлаб кетишади, футболчилар ҳимояга тезда қайта олишмайди, қайтганлар ҳам кўп ишни эплашмайди. Испанлар рақибларнинг хатосини кутиб ўйнамайди ва ўзлари чиройли ҳужумлар уюштириб, рақибларини довдиратиб қўя олишади. Лопетеги термага ғолиблик руҳи, ўзига ишониш каби хусусиятларни олиб кираётганди.

Албатта, ҳозирги замонда чиройли футбол ўрнига прагматикани устун қўйишмоқда. Буни биз Зидан ва Вальвердеда ҳам кўрдик. Бироқ Лопетегининг Испанияси мухлисларга ёқадиган жангаворликни хуш кўраётгани ҳам терманинг бир ютуғи бўлганлир. У ўз анъаналарига содиқликни сақлаб қолди, у биладики, футбол санъати - бошқа санъатлардан ажралиб туради. У шогирдларини кўпроқ ҳужум қилишга, голлар уришга ўргатди.

Аргентина термасига урилган 6 голнинг 5таси эса Гвардиола эмас, Моуриньо услубида урилди. Испанлар рақиб жарима майдончаси яқинида тўпни олиб қўйишди, курашларда ғолиб бўлишди, уч тўп оширишли паслар билан гол уришди. Бир голга Де Хеа ассистентлик қилди. Бу эса футбол мухлисларига ёқадиган эффект берди.

Испаниянинг ҳозирги таркибининг сирлари очиб ташланган, буни яхши биласиз. Сильва ва Иньестадан бошқа футболчиларни олиб қарасак, Тьяго Алькантара ва Иско ўз жамоаларидан кўра Лопетеги қўл остида ёрқинроқ кўринишмоқда. Шунингдек, қора ишларни қилиб юрадиган Лукас Васкес ҳам вақти келганида универсалликни намойиш қилиш хусусиятига эга.

Бу терманинг барча футболчиларнинг ўрнига бошқаларини туширса бўлади, фақатгина Давид Де Хеани бундан истисно қиламиз. У ҳозирда дунёнинг энг яхши посбонларидан бири. Бошқа футболчиларнинг ўрнини захирадагилар боса олишади. Ҳатто вариантлар ҳам жуда кўп. Бу Испаниянинг асосий ютуғидир. Ҳимоя ва ярим ҳимоя вазиятни қайтаришга ожизлик қилганида Де Хеа термани голдан қутқариб қолган вазиятлари кўп бўлган. Шунингдек, бу ҳолатни унинг клубида ҳам кузатганмиз.

Балки Де Хеа термада "Юнайтед"даги каби ўйин кўрсата олмас. Унга АПЛда кўпроқ иш тушади ва ўйинни бошқаради, кўпроқ зарбалар берилади ва кўп бора қаҳрамонга айланади. Испанияда эса зарба камроқ ва шу боисдан у ритмдан бироз чиқиб қолмоқда.

Бугун Испания қўрқоқлик қилди. Албатта, биз терма ичида қандай гаплар бўлганини билмаймиз. Аммо терма бош мураббийини ЖЧга бир кун қолганида истеъфога чиқаришни аҳмоқлик деб айта оламиз. Хўш, энди Испания жаҳон чемпиони бўлармикин...

Миржалол Норматов таржимаси

Рейтинг: -40   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг