UZ

Сўнгги янгиликлар

11:31ОФК келаси U-17 Осиё чемпионатлари мезбонини маълум қилди  3 11:10“Реал“ Трентни клублар ўртасидаги ЖЧда иштироки учун “Ливерпул“га қанча пул таклиф қилгани маълум  1 11:00Суперлига футболчилари ЕЧЛ финалчиларини тахмин қилди  11 10:45“Арсенал“ футболчиси фаолиятини Бразилияда давом эттиради (Фабрицио Романо)  1 10:22“Байер“ бош мураббийлигига номзодлар маълум қилинди  1 09:59Карло Анчелотти “Реал“ билан келишиб олди  3 09:37Пролига. Бугун 5-тур давом эттирилади  0 09:10“Рома“ тўпурар ҳужумчи билан шартнома имзоламоқчи  4 08:48“Ал Ҳилол“ супер футболчи билан музокараларни бошлади  2 08:16Sofascore. Азизжон Ғаниев кечаги учрашувда неча баҳога лойиқ кўрилди?  2 07:50Довбик Шомуродов ҳақида фикр билдирди  15 07:25Трент “Реал“да қанча ишлаб олиши маълум  11 02:11АПЛ. Дуранг ўйнаган "Ноттингем Форест" ЧЛ зонасига қайта олмади  4 01:48А Серия. "Милан" иродали ғалабага эришди, аммо жамоа ҳали ҳам кучли саккизликда эмас  2 01:17"Париж" - 46 йилдан сўнг Лига 1да! Унинг стадиони ПСЖ аренасидан йўлнинг нариги томонида жойлашган (мутолаа учун)  4

Қўқондаги турнирда финалчилар аниқ бўлди Янгиликлар

Қўқондаги турнирда финалчилар аниқ бўлди

Қўқон шаҳрида болалар ва ўсмирлар ўртасида Ўзбекистон мустақиллигининг 30 йиллигига бағишланган "Қўқон шаҳар хокими кубоги" ҳалқаро турнири бўлиб ўтмоқда.

Мусобақада Ўзбекистондан 50 та ва Қирғизистон Республикасидан 4 та жамоа иштирок этмоқда. 

2011-2012 йилларда туғилган футболчилар ўртасидаги ўйинлар фестивал кўринишида бўлиб ўтди. Қолган ёш тоифаларида эса жамоалар аввалига гуруҳ босқич ўйинларида ва кейинчалик плей-офф босқичида ўзаро куч синашдилар. Бугун барча ёш тоифаларида ярим финал ўйинлари бўлиб ўтди ҳамда финалда тўп сурадиган барча жамоаларнинг номлари маълум бўлди. 2010 йилда туғилган футболчилар ўртасидаги финал баҳсида Тошкентнинг "Пахтакор" ҳамда "Бунёдкор" академиялари тарбияланувчилари ўзаро куч синашадиган бўлишди.

2009 йиллар ўртасидаги мусобақанинг финал ўйини "Андижон ФК" ҳамда "Турон ФК" тарбияланувчилари ўртасида бўлиб ўтадиган бўлди.

2007-2008 йиллар мусобақасида ҳам ярим финал ўйинлари муросасиз тарзда ўтди. 

"БЎСМ ЎШ" – "Аҳмадхон ФК" жамоалари ўртасидаги ярим финал ўйинида тажрибали мураббий Баҳром Хакимов бошчилигидаги қўқонлик футболчилар қирғизистонлик тенгқурларига ҳеч қандай имкон қолдиришмади. Учрашувда Хакимов шогирдлари 4-0 ҳисобида ғалаба қозонди. 

Иккинчи ярим финалда эса "Насаф" академияси ва "Бунёдкор" академияси тарбияланувчилари майдонга чиқишди. Муросасиз курашларга бой ўтган мазкур баҳснинг асосий вақтида ғолиб номи аниқланмади. Пенальтилар сериясида эса қаршилик ёш футболчиларга омад кулиб боқди. Улар 5-4 ҳисобида ғалаба қозонди. 

Шундай  қилиб,  2007-2008 йилда туғилган футболчилар  ўртасидаги финал баҳсида "Насаф" академияси ҳамда "Аҳмадхон" футбол клуби жамоалари майдонга чиқадиган бўлди.

Мусобақанинг финал ўйинлари ҳамда тақдирлаш маросими эртага, 24 август куни бўлиб ўтиши режалаштирилган.  

Барча финал жуфтликлари ва ўйинлар бўлиб ўтадиган стадионлар билан танишинг:

2010 йиллар. Финал. "Пахтакор" – "Бунёдкор". "Аҳмадхон" спорт мажмуасида. 

2009 йиллар. Финал. "Андижон" - "Турон". "Кимёгар" стадионида.

2007 йиллар. Финал. "Насаф-2007" - "Аҳмадхон" ФК. "Марказий" стадионида. 

Қуйида бугун бўлиб ўтган  учрашувлардан олинган суратларни томоша қилинг. 


Акрамжон Мамадалиев

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика