UZ

Сўнгги янгиликлар

11:48"Арсенал" Пепе билан хайрлашишга тайёр  0 11:23Ла Лига. "Барселона" "Осасуна"га қарши ўйин учун қайдномасини эълон қилди  5 11:00Германия Бундеслигаси. Энг қиммат футболчилар (топ-10)  3 10:38Бу Фотошоп эмас!  18 10:15Облак "Атлетико"даги 200та ўйиндан 112тасида ўз дарвозасидан тўп олиб чиқмади. Бу клуб рекорди  7 09:47Фернандиньо мавсум сўнггида “Сити”ни тарк этиб, АҚШга йўл олиши мумкин  1 09:26Куман: “Аввалги клубларимда илк 100 кунлик ишим “Барселона”га қараганда хотиржамроқ кечганди”  7 08:53Пирло: “Ювентус” Роналдусиз ҳам ўз ўйинини кўрсата олиши лозим”  10 08:27Неймар ПСЖ сафида 50-голини киритди  5 08:05ЛаЛига. "Реал Мадрид" - "Алавес" 1:2  3 08:00Лига 1. "ПСЖ" - "Бордо" 2:2  0 08:00Coca Cola Суперлига. 25-тур превьюси  55 07:55АПЛ. "Эвертон" - "Лидс" 0:1  1 07:50А Серия. "Беневенто" - "Ювентус" 1:1  2 07:40АПЛ. "Манчестер Сити" - "Бернли" 5:0, Махрез авжига чиқди  0

Қашшоқликдан муваффақият сари: ночор оилада улғайган машҳур топ-футболчилар Янгиликлар

Қашшоқликдан муваффақият сари: ночор оилада улғайган машҳур топ-футболчилар

Барчамиз ўйинчилар олаётган маошини муҳокама қилишни жуда яхши кўрамиз.

Бу ҳам етмагандек, оддий одамлар ойлиги ва уларнинг маоши ўртасидаги фарқни кўриб ёқамизни тишлаймиз. Аслида, улар бу борада айбдор эмас: уларга шунча берамиз дейишади ва улар ўша пулни олади. Аммо масаланинг яна бир томони, улар бу даражага эришгунича қанчадан-қанча оғир дамларни бошдан кечиргани, бугунги ҳашаматли ҳаёт ортида машаққатли меҳнат ётгани ҳақида баъзи танқидчилар ўйлаб ҳам кўрмайди. Келинг бугун камбағал оилада қийинчилик билан вояга етган таниқли ўйинчилар ҳақида суҳбатлашамиз.


1. Луис Суарес
"Атлетико"

Уругвайлик футболчи кўп фарзандли оилада улғайди (7 фарзанд, барчаси ўғил бола). Суареснинг уйи ёнида аёллар аҳлоқни тузатиш колонияси бор эди. Шу сабабли, болакай машиналар йўли юзида футбол ўйнашига тўғри келарди. Сальто диққатга сазовор бўлмаган ва сайёҳлар эътиборидан четдаги шаҳар эди.

Кейинчалик улар Монтевидеога кўчиб кетишди. Луис у ерда футбол билан шуғуллана бошлади. Аммо кўп ўтмай, ота-онаси ажрашиб кетди ва она фазандларини ёлғиз ўзи катта қила бошлади. Ўйинчининг онаси темир йўл станциясида фаррош бўлиб ишларди ва маошини келаси ойгача зўрға етказарди. Ўша вақтлар Суарес мамлакатнинг энг яхши клубларидан бири — "Насьональ" футбол клуби академиясига қабул қилинди. Суарес деярли барча стипендиясини онасига юборарди. У 17 ёшида шартнома имзолади ва биринчи жамоасида дебют қилди. Луиснинг айтишича, агар улар камбағал бўлишмаганида, ҳозир футболчи бўлмаган бўлар экан...


2. Алексис Санчес
"Интер"

Алексиснинг отаси аёли ва икки ўғлини ташлаб кетган экан. Оила ташвиши ёлғиз онанинг елкасида қолди ва у фарзандларини боқиш учун иложи борича кўпроқ ишларди: балиқ тутиб, уни сотарди ҳамда фаррош бўлиб ишларди. Алексис ҳам машиналарни ювиб, қўлидан келганча онасига ёрдам берарди.

Санчес муваффақиятга эришиши учун ягона имконияти футбол эди. Бир куни шаҳар мэри болакайнинг иқтидорини пайқаб, унга бутсалар совға қилди. Бир неча йил ичида Алексис Санчес ҳақида нафақат Чили, балки бутун Жанубий Америкаликлар хабар топди. Аввалига "Удинезе" билан битим тузди, кейин эса"Барселона" томон йўл олди.


3. Карлос Тевес
"Бока Хуниорс"

Карлос Тевес Аргентинанинг хавфли ҳудудларидан бири Фуэрте-Апаче районида туғилган. У ерда деярли ҳамма одам ё ўғри, ё қотил ёки гиёҳвандфуруш эди. Тевес болалигида ёлғиз ўзи кўчага чиқишга қўрқарди. Сабаби унинг айтишича, полиция ходимлари ҳар куни янги ўликларни олиб кетишар, турли қичқириқлар, отишма ва сиреналар товуши тинмаган экан. Уйига ёки синф хонасига исталган вақтда ўқ отишган эмиш. Тевеснинг отасини 23та ўқ билан отиб ўлдиришган экан.

Тевес синглиси билан холасиникига, бошқа районга кўчиб ўтади ва ўша ерда футбол ўйнашни бошлайди. Тевеснинг бўйни ва кўкрак томонидаги чандиғи ачинарли болалигидан хотира бўлиб қолган. У ўн ойлигида устига қайноқ сув тўкилиб кетиб, учинчи даражали куйиш бўлган ва икки ой мобайнида даволанган экан. Бугун Карлос ўз карьераси билан фахрланиши мумкин: бир неча бор АПЛ ва икки маротаба А Серия ғолиби ҳамда Аргентина термаси сафида бир нечта эсдалик медаллари соҳиби.


4. Лука Модрич
"Реал Мадрид"

90-йилларда Югославия ҳудудида уруш бўлган. Натижада бутун мамлакат икки қисмга бўлинган. Модричнинг оиласи маълум муддатга уйидан кетиши ва қочоқлар лагерида яшашига тўғри келган. Лука 10 ёшга тўлганида, уруш тугади ва болакай "Задар" жамоаси сафида тўп тепа бошлади.

Уруш тугагандан кейин ҳам тўқнашувлар бўлар, Модрич эса шундай шароитда ҳам шуғулланишига тўғри келарди. Баъзида жонини сақлаш учун машғулотнинг ўртасида яшириниб олишга мажбур эди. Модричнинг илк тўпи ғижимланган қоғозлардан думалоқ қилиб ясалиб, скотч билан ёпиштирилган "тўп" эди. Лука 16 ёшида Загреб "Динамо"си академиясига қабул қилинди. Кейинроқ эса "Тоттенхэм"га ўтди ва дунё миқёсидаги футболчига айланди.


5. Криштиану Роналду
"Ювентус"

Криштиану ҳам кўп болали оилада туғилди. Онаси ошпаз бўлиб ишларди. Отаси эса кўп ичгани туфайли ишдан бўшатиб юборилар ва касбини тез-тез ўзгартиришига тўғри келарди. Аммо Роналду отасини жуда ҳам яхши кўрарди. Криштиану ўқишни унча ёқтирмас, бўш вақтида тўп билан шуғулланишга ҳаракат қиларди.

Криштиану 14 ёшида ўқиши ёмонлиги туфайли мактабдан ҳайдалган, бироқ унга бунинг аҳамияти йўқ эди. Сабаби аллақачон "Спортинг" академиясига қабул қилинганди. Уйидан узоқда футбол билан шуғулланиш осон бўлмаган, болакай ота-онасини соғиниб кўп йиғларди, аммо ўзини қўлга олиб шуғулланишда давом этарди. Қийин дамларни бошидан ўтказган футболчи дўстлари билан кечки пайт Макдоналдсга борар ва бирор егулик беришларини сўрарди. Криштиану жамоадаги энг озғин бола эди, кечаси Макдоналдсда овқатланиши бироз бўлса-да масса йиғишига ёрдам берарди. Орадан кўп йиллар ўтди. Роналду уни бургерлар билан сийлаган ўша фастфуд ходимасини излади ва аёлни топиб, унга миннатдорчилик билдириш мақсадида кечки овқатга таклиф қилди.


Нозима Зарипова таржимаси

Рейтинг: +44   

Фикрлар

+2   
26 окт 23:48:13
Barcelona ☆
Ха бу хаёт тухфаси. Улар энг ширин болалик дамларини татиб кормагани учун хаёт уларга хозир шунча бойлик билан сийлаётгандир
+2   
26 окт 22:51:30
Karshi
Роналду ўша текин бургер берган хонимни топиб унга 1млн евро совга қилган.
+2   
26 окт 21:37:21
Dodasi
Бир ҳор бўлган, бир азиз дейишади. Меҳнатнинг таги роҳат. Омад йигитлар, интилганга толе ёр.
+1   
27 окт 01:18:09
Асроржон Халилов
Nasaf-Real фойдаланувчининг фикрига жавоб бериш
Usha oshpaz honimga bitta kafe sotib olib bersa bularkan. Odamiyligi CR ni
1 миллионга кафе берса керак
+1   
26 окт 23:33:07
Nasaf-Real
Karshi фойдаланувчининг фикрига жавоб бериш
Роналду ўша текин бургер берган хонимни топиб унга 1млн евро совга қилган.
Usha oshpaz honimga bitta kafe sotib olib bersa bularkan. Odamiyligi CR ni
+1   
26 окт 22:26:48
Temurkhan
Faqat gariblikdan chiqqanlarni emas balki barcha mashhur futbolchilarni xayotini yoritib borsa,yani har kuni bitta futbolchi xaqida maqola chop etib borilsa zor bulardi.
+1   
26 окт 22:09:21
Goal!!
Muvaffaqiyat uchun bugungi mazzadan kechish kerak. Ularda shu mazzaga imkoniyati bo'lmagan. Qoil, hammasiga havas ketdi
+1   
26 окт 19:49:43
Rakuten
Kecha o'qigandim shu maqolani. Men ham tarjimalarimni kimga aytsam saytga joylab beradi?
   
27 окт 11:11:44
voy MESSI chi ? u xam boy oilada katta bolmagan uzi nmaga xamma realcila messiga oson tutaverasila ?
championat.asia
< сўнгги янгиликларни кўриш
Яндекс.Метрика