"Қалдирғочлар" учун "қора" кунлар давом этади, клуб тарихидаги антирекорд қайд этилди — "Қизилқум" - "Бунёдкор" учрашувидан фактлар

Мезбонлар майдонида эса ниҳоят ғалаба шамоли эсди. Умид учқунлари уйғонди. Қолган фактлар эса қуйида батафсил. 

1. "Бунёдкор" 2018 йилдан буён "Қизилқум"ни меҳмонда енгишни уддасидан чиқа олмаяпти. 

05.09.2019. "Қизилқум" - "Бунёдкор" 1:0

03.12.2020. "Қизилқум" - "Бунёдкор" 1:1

26.06.2021. "Қизилқум" - "Бунёдкор" 2:1

10.03.2022. "Қизилқум" - "Бунёдкор" 3:1

30.06.2023. "Қизилқум" - "Бунёдкор" 2:0

2. Ўзаро сўнгги 8та учрашувнинг фақат 1тасида "Бунёдкор" рақибидан устун келди. Жамоа охирги маротаба 2021 йил Шуҳрат Мақсудов бошчилигида Тошкентда "Қизилқум"ни мағлубиятга учратган эди. 

3. Суҳроб Султонов дарвозасига белгиланган 11та пенальтидан 7тасини қайтаришга муваффақ бўлди. Бу билан у чемпионатдаги энг яхши натижани қайд этиб турибди. 

4. "Бунёдкор" бу йил ҳисобидан кетма-кет 8 учрашувда ғалаба қозона олмади. Бу клуб тарихидаги антирекорд ҳисобланади. Бунгача энг ёмон кўрсаткич 2022 йилги мавсумда рўй берган бўлиб, ўшанда "қалдирғочлар" кетма-кет 7та учрашувда ғалаба нималигини билмаган. 

5. "Қизилқум"нинг 10та ўйинлик ғалабасиз серияси "Бунёдкор" билан учрашувда якунига етди. "Олтин изловчилар" бу йил Суперлигада сўнгги маротаба 12 март куни Навоийда "Бухоро"ни мағлубиятга учратган эди. 

6. Жамшид Саидов бош мураббий сифатида 4та ўйиндан бери "Бунёдкор"га мағлубиятга учрамаяпти. 2020 йил "Бухоро" сифатида 2та ўйинда, 2016 йил 1та ўйинда дуранг натижа қайд этган. 

7. "Қизилқум" - "Бунёдкор" учрашувида 2016 йилдан бери сўнг барча учрашувларда жамоалар гол уриб келмоқда. 2016 йил кечган ўйинда 0:0 ҳисоби қайд этилган.