ПСЖ Винисиусга қизиқмоқда. Вингер "Реал"даги ҳолатидан норози

Marca хабарига кўра, бразилиялик футболчи ЕЧЛ 1/8 финали доирасидаги "Ман Сити"га қарши жавоб ўйинида майдонгани тушмагани учун ҳафсаласи пир бўлган.

Винисиус коронавирус пандемияси туфайли юзага келган танаффусда кўп ишлагани ва Эден Азар яхши формада бўлмагани туфайли рестартдан кейин асосий таркиб футболчисига айланишини кутган. Бироқ, 20 ёшли ўйинчи мавсум қайта тикланганидан бери ўтказилган 12 учрашувнинг атиги 4 тасини асосий таркибда бошлади. Шунингдек, у бутун мавсум давомида фақат 17 марта бошланғич таркибда майдонга тушди.

Хабар қилинишича, "Пари Сен-Жермен" клуби Винисиуснинг атрофидаги вазиятни анчадан бери кузатиб келмоқда.  Парижликлар спорт директори Леонардо иқтидорли ўйинчини ижарага бўлса ҳам жамоага жалб қилиш ПСЖ учун манфаатли бўлишини маълум қилган.

Бундан ташқари, Винисиуснинг хизматларига АПЛ грандлари ҳам қизиқиб қолган, аммо рад жавобини олган эди.