ПСЖ футболчиси оғир жароҳат олди

Энрике клуб матбуот хизматига Дуэнинг жуда ноодатий жароҳат олганини, бу эса ёш футболчининг аҳволини олдиндан айтиб беришни қийинлаштирганини айтди.

"Умид қиламанки, Дуэнинг жароҳати жиддий эмас. Биз кутишимиз ва текширув натижалари қандай бўлишини кўришимиз керак", – деб қўшимча қилди испаниялик мутахассис.

Шифокорларнинг ташхиси ҳозирча номаълум, аммо бир қатор нашрлар футболчи ўнг сонидан жиддий жароҳат олгани ҳақида ёзмоқда.

Эслатиб ўтамиз, Дуэ "Лоряьн" билан ўйиннинг иккинчи бўлими ўрталарида жароҳат олди. Ўйин 1:1 ҳисобида дуранг билан якунланди. Дезире Дуэ ушбу мавсум 8 ўйинда 3 та тўп киритди ва 3 та голли узатмани амалга оширди.