UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Про-лига пешқадамлари баҳсида рекорд кўрамизми? Янгиликлар

Про-лига пешқадамлари баҳсида рекорд кўрамизми?

Ўзбекистонда клуб рамзи тепасида юлдуз тасвири туширилган кам сонли жамоалардан бири Фарғонанинг "Нефтчи" клуби ҳисобланади.

Ўз тарихида 5 бора мамлакат чемпионлигини тантана қилган жамоа сўнги йилларда Про-лигада қолиб кетаётгани албатта ачинарли. 2019 йилги мавсумда эмаску, лекин ўтган 2020 йили жамоа ўз номига муносиб бўлиши учун иштиёқ билан ҳаракат қилди. Бир қатор манбаларда "Йил ўйини" дея таъриф берилган ўша "Турон" билан кечган шиддатли баҳснинг даражаси шу қадар ортиб кетди-ки, эшитмаган мухлис, ўз муносабатини билдирмаган мазкур соҳа мутахассиси қолмади.

Хабарингиз бор, 2020 йилги Про-лиганинг 20-туридан ўрин олган "Нефтчи" - "Турон" учрашуви якунида юз берган тартиббузарликлардан сўнг Фарғона жамоаси 3 уй учрашувларини мухлисларсиз ўтказиши бўйича дисквалификацияга учраган эди. Бугунга келиб "Нефтчи" учун мазкур жазо муддати якунига етди. Фарғоналиклар ўз майдонларида Суперлигага ўтиш ўйинида "Андижон", Про-лиганинг 1-турида "Олимпик" ва мазкур чемпионатнинг 3-турида "Истиқлол" жамоалари билан белгиланган 3 та уй учрашувини ўтказиб бўлишди. Эндиликда "Нефтчи"нинг ўз майдонида ўтадиган ўйинларида мухлислар ҳам иштирок этишлари мумкин бўлади.

Жамоа куни кеча, яъни 12 апрель куни Про-лиганинг 4-тури доирасида Нукуснинг "Арал Самали" клубини мағлуб этди.17 апрель санасида эса, мазкур чемпионатнинг 5-турида ўз майдонида Урганчнинг "Хоразм" клубини қабул қилади. Бу жамоалар айни дамда мусобақа жадвалида бир хил, 10 очкодан жамғарган холда тўплар нисбатига кўра биринчи ва иккинчи ўринларни эгаллаб туришибди. Бизга маълум бўлишича, мазкур ўйинда фарғоналиклар мухлислар ташрифи бўйича Про-лига рекордини ўрнатишмоқчи экан. Бу ўйиннинг дам олиш кунларида бўлиб ўтиши ҳам шу санада "Истиқлол" стадионига кўплаб футбол мухлислари ташриф буюришларига замин яратиши, шунингдек жамоасини қўллаб-қувватлаш учун Хоразмдан ҳам бир қатор мухлислар етиб келиши катта эҳтимол. Фарғона жамоаси мухлислари эса ҳозирданоқ ушбу ўйинга бўлган тайёргарликни бошлаб юборишган.

 


Бекзод Толибов

Рейтинг: +24   

Фикрлар

championat.asia
< сўнгги янгиликларни кўриш
Яндекс.Метрика