Пол Скоулз: "Ван Гал футболчиларни қўрқитяпти ва бу яхши"

"Ван Гал кўпроқ янги футболчи харид қилишни хоҳлаган бўлар эди. Аммо у ҳозирча буни қила олгани йўқ. Ўйлашимча, иккита янги ярим ҳимоячи олса яхши бўларди.
Кроос 20 миллион фунт эвазига кетди, Фабрегас бўлса "Челси"да. "Юнайтед" шундай футболчилар билан қизиқади деб ўйлагандим, аммо ундай эмас экан. Шундай бўлган тақдирда ҳам энди бошқа футболчи қидиришга тушишган.

Ван Гал ҳудди ақлдан озган олимга ўҳшайди, у бироз ғалати кўринади. Ўйлашимча, у футболчиларни қўрқитяпти ва бу яхши. Мен 20 йил Алекс Фергюсон қўл остида ўйнадим, у важоҳатли бўлишни биларди.

Баьзида бу қўрқув сени яхшироқ ўйнашга мажбур қилади. Шак шубҳасиз, "Манчестер Юнайтед"нинг ҳозирги футболчилари бу мавсум юқори даражада ўйин кўрсатишлари керак. Акс ҳолда улар жамоада кўп қолишмайди" - дейди Скоулз.