Пол Мерсон: “Роналду туфайли Сульшернинг режалари ўзгариб кетди, Криштиану билан МЮ кучая олмади”

“Сульшерга ачиндим. Мавсум бошида унинг режаси бор эди, ўтган мавсум эса “Манчестер Юнайтед” 2-ўринни эгаллади. У кўпдан бери Жейдон Санчони олиб келишни хоҳлаётганди, у келди, Кавани билан шартнома бир йилга узайтирилди.

Режа аниқ эди: Кавани ҳар икки ўйинда ўйнайди, Санчо қанотда, Рэшфорд бошқа томонда, Гринвуд захирадан тушади. Тезлик, куч, энергия, ёшлик, темп бор.

Мавсум бошланишидан олдин эса Сульшерга Роналду қўшиб берилди. Менимча, шу туфайли у бор режани ойнадан улоқтирди. Роналду билан “Манчестер Юнайтед” яхшиланмади.

Маълум бир услубда ўйнамай туриб, 29 учрашувдан иборат мағлубиятсиз серияни қайд этиб бўлмасди, бунинг учун навбатдаги қурол эса Санчо бўлганди. Роналду ҳужумда бўлса, қарши ҳужумларда ўйнаш учун энди бундай қурол бўлмасди. Ўтган мавсум Бруну уларнинг энг яхши ўйинчиси бўлди”, дейди Мерсон.