UZ

Сўнгги янгиликлар

02:02Клублар ўртасидаги ЖЧ. ПСЖ ярим финалда "Реал"ни янчиб ташлади ва финалга йўл олди  207 01:58"Интер Майами" "Атлетико" футболчисини сотиб олади  2 01:16ПСЖ - "Реал" баҳсининг биринчи бўлими ҳақида фактлар  3 00:54"Реал" "Бенфика"нинг 50 миллионлик футболчисини текинга қўлга киритади  2 00:11"Атлетико" 10 йиллик футболчисини сотиб юборди  0 23:46Карлос Тевес "Тальерес" жамоасини бошқаради  1 23:20ЛаЛига "Реал"нинг сўровига рад жавобини берди  11 22:40"Тоттенхэм" "Вест Хэм" футболчисини 55 млн фунтга сотиб олмоқда, у клуб тарихидаги энг қиммат трансферлардан бирига айланади  0 22:01Трент ПСЖга қарши ўйнамаслиги мумкин  12 21:45U-21 биринчилиги. "Навбаҳор" - биринчи давра чемпиони!  3 21:16Луис Энрике: "Барселона"га содиқ бўлиб қоламан, "Реал"га қарши ўйинлар менга катта иштиёқ беради"  21 20:58"Ал Қодисия" Ретеги учун таклифни оширди  1 20:16Гарет Бэйл: "Бугун ким ғолиб бўлишини барчамиз яхши биламиз"  19 19:50"Реал" Негрейра иши бўйича терговни яна ярим йилга узайтиришни сўрамоқда  12 19:32"Динамо" хорижда йиғин ўтказади  7

Писмиқ Моуриньо Янгиликлар

Писмиқ Моуриньо

Жозе Моуриньо “Сити”нинг чемпион бўлишини бир ҳафта кутмади.

8 кун – Жозе Моуриньо шунча вақт кутганида “Манчестер Сити” сўнгги тўрт йилда илк марта чемпион бўларди.

"Манчестер Юнайтед" - "Вест Бромвич" 0:1

Аввалига МЮнинг ўзи “шаҳарликлар”нинг чемпион бўлишини кечиктирди, дербида ғалаба қозониб, “Ливерпуль” билан учрашувдан олдин Пеп жамоасига ёмон кайфият тақдим этди.

Матбуот анжуманида Пеп Гвардиола “Юнайтед”нинг мағлубиятга учрамаслигини ва гольфга кетишини айтди. Шу боисдан Пеп ўйинни кўргандан фойда йўқлигини тушунтирди. Кейинчалик Жозе циркдаги томошасини кўрсатди.

Гвардиола: "Манчестер Юнайтед" ўз майдонида "Вест Бромвич"га ютқазмайди"

“Бромвич” айни дамдаги ҳолати билан “Юнайтед”га тайёр “гўшт” бўлиши кутилганди. Биринчидан, жамоа 20-ўринда, бу эса 20 жамоа орасидан сўнггиси дегани. Иккинчидан, “Юнайтед” Англия кубоги доирасида “Тоттенхэм”га қарши ўйиндан олдин “иблислар” даҳшатли ўйин намойиш этиши кутилганди. Учинчидан, Моуриньо жамоаси ўтган турда Манчестер дербисида “Сити”ни таслим этди. Бироқ тўртинчи жиҳати ҳам бор, “Вест Бром” учун ҳар бир очко сув ва ҳаводек зарур. Шу боисдан ҳам улар МЮ билан учрашувга “ўлигини ташлаши” аниқ эди. Мағлубият эса Чемпионшипга тушиб кетиши мумкин бўлганди. Кўрдингизми, бир ўйин орқали икки масаладан бири ҳал бўларди. Ёки “Сити” чемпион, ёки “Вест Бром”нинг Чемпионшипга “учиши”...

Албатта, ЕЧЛ доирасида 1:5 ҳисобидаги мағлубиятдан кейин катта танқидга учраган Пеп Гвардиоланинг “Сити”си қўлга киритган чемпионлик мухлисларга татиши қийин. Бироқ Англия жамоалари халқаро ўйинлардан кўра, миллий чемпионатдаги ғалабаларни яхши кўришади.  Албатта, чунки сен “Лестер” эмассан ва ҳар қандай ҳолатда ҳам чемпионлик сен учун биринчиси эмас, балким охиргиси ҳам эмасдир. Демоқчимизки, “Сити” ҳар доим олдига юқори мақсадларни қўядиган ва шунга эришиш учун қаттиқ меҳнат қиладиган жамоа. Жозе бошқарадиган жамоалар эса унинг кайфиятига қараб ўйнайди.  Шогирдлари ютса аъло қайфиятда бўлади, ютқазса йиғламайди. Шу орқали рақибининг байрам қилишини хоҳламайди.

Балки Моуриньо Англия кубоги доирасида “Тоттенхэм”га қарши ўйиндан олдин ўзини кўрсатгиси келмагандир. Энди у ушбу баҳсга фантастик тактикани ўйлаб топиши керак.  

"Мен қоламан ва ҳеч нимани ўзгартирмайман". Моуриньо "Севилья" билан ўйиндан кейин дардларини тўкиб солди

У ҳақиқий писмиқ, Пепни гольфга юбормади, совринни тақдим этди. Бир вақтлар “Ливерпул”га қарши ўйиндан олдин “автобус”дан воз кечишини айтганди, бироқ учрашувда яна шундай услубни танлади. Жозе – ажабтовур, унинг нима қилишини олдиндан билиб бўлмайди.

Миржалол Норматов таржимаси

Рейтинг: +34   

Фикрлар

championat.asia
< сўнгги янгиликларни кўриш
Яндекс.Метрика