Пике Мессига: "Сен барча даврларнинг энг яхши футболчисисан"
07 авг 2021 09:57
Янгиликлар

Пике Мессига: "Сен барча даврларнинг энг яхши футболчисисан"

"Барселона" футболчиси Жерар Пике Лионель Мессининг каталонияликлар сафини тарк этиши ҳақидаги қарорига ўз муносабатини билдирди.

"Энди хеч нарса аввалгидай бўлмайди. "Камп Ноу" ҳам, "Барселона" ҳам, ўзимиз ҳам. 20 йил клубга борингни бердинг ва эндиликда сен "Барселона" либосида бўлмайсан.

Биз 2000 йилда танишгандик ва ўшанда 13 ёшда эдик. Олдимизда катта фаолият турганди. Агар ўшанда биз келажагимизни тасаввур қилиб кўрганимизда, бундан ортиғини тасаввур қилиш мумкин эмасди.

"Барселона"га қайтганимдан кейинги илк мавсумда биз требл қилдик, сен эса барча даврларнинг энг яхши футболчисига айландинг. Росариодан Римгача (2009 йилги ЕЧЛ финали Римда ўтказилганди). Мана афсона қаерда бошланганди. Кейин бўлган воқеалар эса тарих. Биз вақтни жуда яхши ўтказдик.

Сен кетяпсан ва шуни биламанки, қачонлардир қайтасан. Қолиб кетган ишлар бор. Қаерга борсанг ҳам ишларингдан завқ ол, ғалаба қозонишда давом эт. Бу ерда сени соғинамиз. Сени яхши кўраман, Лео", - деди Пике.

Ҳавола :

Манба : instagram.com/3gerardpique

Янгиликларни Телеграмда ўқинг!

Рейтинг: +21