Пике "Барса"нинг инқироз билан курашишида ёрдам бериш учун маошини пасайтиришга тайёр
09 июн 2021 17:16
Янгиликлар

Пике "Барса"нинг инқироз билан курашишида ёрдам бериш учун маошини пасайтиришга тайёр

"Барселона" ҳимоячиси Жерар Пике клуб олдида турган молиявий муаммоларга бефарқ эмас.

Испаниялик бир неча кун олдин "Барселона" президенти Жоан Лапорта билан учрашган. Менежер "Барселона" учун муваффақиятсиз тугаган мавсум сўнгги борасида футболчининг фикрини билмоқчи бўлган.

Бундан ташқари, Пике ва Лапорта суҳбат давомида футболчининг келажагини ҳам муҳокама қилишди. Испаниялик оғир инқироз вазиятида клубга ёрдам бериш учун маошининг камайишига тайёрлигини билдирган.

Пикенинг "Барселона" билан тузган шартномаси 2024 йилга қадар мўлжалланган. 34 ёшли ҳимоячи маошининг ўйинлар сонига боғлиқ бўлиши билан шартномани янгилаши мумкин.

"Барселона" устози Роналд Куман Пикени жамоанинг муҳим ўйинчиси деб билади ва унга кейинги мавсумда ишонч билдиради.

Ҳавола :

Манба : ccma.cat

Янгиликларни Телеграмда ўқинг!

Рейтинг: +6