ПФЛ Кубоги-2014: «Пахтакор-2»га интизомий чора кўрилди

ПФЛ Кубоги мусобақаси тўғрисидаги Низом (3-бўлим, 3.8-банд)ни, шунингдек, Ўзбекистон ноҳаваскор ва ярим профессионал футбол клублари ўртасидаги мусобақалар Регламенти (4-модда, 4.27-банд)ни бузгани учун «Пахтакор-2»га техник мағлубият (-:+), «Обод» ПФКга эса техник ғалаба (+:-) ёзилди.

Ушбу учрашувдаги голлар бекор қилинди, огоҳлантиришлар эса ўз кучида қолди.

Шундай қилиб, «Обод» ПФЛ Кубоги-2014 ярим финалида ўйнайдиган бўлди, унга «Қўқон-1912» жамоаси рақиблик қилади. Иккинчи ярим финал баҳсида «Машъал» ва «Олмалиқ» жамоалари ўзаро куч синашади.