UZ

Сўнгги янгиликлар

17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  6 16:20"Евро-2024"да ҳеч ким Англия билан тенглаша олмайди"  5 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0

ПФЛ: Айни дамда фақатгина учта клуб стадиони талабга жавоб беради Янгиликлар

ПФЛ: Айни дамда фақатгина учта клуб стадиони талабга жавоб беради

Ўзбекистон Профессионал Футбол Лигаси клублар олдига қўйилган талабларни келгуси мавсумда жиддий назорат қилиши ҳақида аввалроқ хабар бергандик.

Ушбу мавсумда клублар бажариши шарт бўлган талабларни қисман бажарди ва ҳозирда ҳам клуб инфратузилмасини яхшилаш учун улар олдига қўйилган талабларни қай тарзда бажарилаётгани ЎзПФЛ томонидан назорат қилинмоқда. Таъкидлаш лозим, келаси ҳафтада янги мавсум учун клубларни лицензиялаш бўйича янги регламент ҳавола этилади. Ушбу регламент асосида келаси мавсум учун клубларни лицензиядан ўтказиш тартиби тасдиқланган. Асосий мезон сифатида клублар бажариши шарт ҳисобланган талаб – стадион инфратузилмасини яхшилаш ҳисобланади. Етарли шароитга эга ҳамда барча талабларга мос келадиган стадион – клубларнинг ўзи иштирок этаётган лигада ўйнашини кафолатлайди.

Айни дамда, фақатгина “Насаф”, “Пахтакор” ва “Локомотив” клубларининг стадионлари талаб даражасидадир ва улар ўз уй учрашувларини ўз стадионларида бошлаши мумкин. Қолган барча стадионлар талабга жавоб бермайди ва ушбу стадионларда келгуси мавсум стартига қадар талабга жавоб берадиган ҳолат кузатилмаса, уй учрашувларини бошқа стадионларда ўтказишлари мумкин. Жумладан, ҳозирда “Навбаҳор”, “Бунёдкор”, “Бухоро”, “Металлург”, “Сўғдиёна”, “Қизилқум”, “АГМК”, “Нефтчи”, “Қўқон-1912” клублари стадионлари халқаро стандартларга ва талабларга жавоб бермайди ҳамда ушбу клубларга келгуси мавсум стартига қадар стадионларини шай ҳолатга келтириши тавсия этилади.

Таъкидлаш жоиз, декабрь ойида Ўзбекистон Профессионал Футбол Лигаси ходимлари ҳамда стадионлар бўйича мутахассислар ушбу стадионларга ташриф буюришади ва келгуси мавсум учун ушбу стадионларда қандай ишлар қилинаётганини текширишади. Айнан шу масалада комиссия бугун Андижонга жўнаб кетди. Мавсум якунларига кўра Суперлигага қайтган “Андижон” декабрда келаси мавсум учун тайёргарликни бошлади. ЎзПФЛ томонидан тузилган комиссия Андижон стадионини текширади ва олиб борилаётган ишларни назорат қилади. Ушбу комиссия аъзолари орасида стадион чими бўйича мутахассислар ҳам фаолият олиб бораётганини таъкидлаш лозим. Ҳозирда Қаршининг “Насаф” стадиони чими билан шуғулланаётган мутахассислар Андижонга ташрифи чоғида маҳаллий мутахассислар билан биргаликда иш олиб боришади ва уларга стадион майсасини яхши ҳолатга келтириш борасида керакли маслаҳатларни беришади.

Шунингдек, стадионлар бўйича мутахассислар стадион чимларини яхши ҳолатга келтириш бўйича клубларга амалий ёрдам бериши кўзда тутилган. Боиси, стадионларнинг ҳолатидан Профессионал Футбол Лигаси ҳам манфаатдор ва клубларга бунинг учун амалий ёрдам беришга тайёр.

Маълумот учун, комиссия Андижон шаҳрига ташрифдан сўнг шунингдек, Фарғона ҳамда Қўқон шаҳарларидаги стадионларни текширишади.

Агарда, стадионларнинг шароити яхшиланмаса, клублар келгуси мавсум олдидан стадионларини яхши ҳолатга келтирмаса, у ҳолда ЎзПФЛ уларга нисбатан жиддий санкциялар қўллашини маълум қилади. Жумладан, юқорида таъкидланганидек, улар уй учрашувларини бошқа стадионларда ўтказишади ва клубларга стадион шароитини яхшилаш учун маълум муҳлат берилади. Агар клублар ушбу муҳлат ичида ҳам шароитни тўғирламаса, уларга нисбатан янада жиддий чоралар кўрилиши, Про-Лигадан тушириб юборилиши ҳам кўзда тутилган.

Шунингдек, мавсум ўртасига келиб стадиони талабга жавоб бермайдиган ҳолга келиб қолган клублар ҳам жиддий жазоланадилар.

Рейтинг: -5   

Фикрлар

championat.asia
< сўнгги янгиликларни кўриш
Яндекс.Метрика