Педри: "Агар кимдир шунча ўйнашимни айтганида, уни тентакка чиқарардим"
04 авг 2021 19:52
Янгиликлар

Педри: "Агар кимдир шунча ўйнашимни айтганида, уни тентакка чиқарардим"

Каталониянинг "Барселона" клуби ярим ҳимоячиси, ҳозирда Токио Олимпиадасида Испания шарафини ҳимоя қилаётган Педри "Барселона"даги илк мавсуми ҳамда Евро-2020 ва Олимпиада ўйинларида Испания терма жамоасидаги таассуротлари билан ўртоқлашди.

"Агар кимдир менга бир мавсумда шунча ўйинда майдонга тушишимни айтганида, мен бу одамни ақлдан озган деярдим. Одамлар мени толиқиб қолади деб ўйлашади, лекин мен ўзимни яхши ҳис қиляпман. Мен шунчаки дам олишга ва мутахассислар маслаҳат берганидек овқатланишга ҳаракат қиляпман", — деди Педри Олимпиаданинг ярим финалида Япония билан ўйиндан сўнг ўтказилган матбуот анжуманида.

Шунингдек, футболчи Олимпиада финалидан кутаётганлари тўғрисида гапирди:

"Мен олтин медални орзу қиламан, Испанияда ҳамма буни хоҳлайди. Биз Европа чемпионати финал босқичида чемпионлик учун курашишимиз мумкин эди, лекин бир оз омадимиз келмади", — дея қўшимча қилди ярим ҳимоячи.

Ҳавола :

Манба : euro-football.ru

Янгиликларни Телеграмда ўқинг!

Рейтинг: +6