UZ

Сўнгги янгиликлар

12:50Ўзбекистон кубогининг саралаш босқичига қуръа ташланди  0 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  1 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  11 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  12 08:21Депайнинг агенти: «Бу ёлғон»  4 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0 07:28Суперлига. Бугун ғалаба қозонмаганларнинг тўқнашувига гувоҳ бўламиз  1 00:56Де Брюйне "Арсенал"га қарши ўйингача сафга қайтиши кутилмоқда  5 00:35Тони Кроос "Реал Мадрид"да қолади!  5 00:05Лотар Маттеус: "Байер" – дунёдаги энг кучли клуб. Улар менга эски "Барселона"ни эслатишяпти"  15

"Пахтакор" чўкяпти... Янгиликлар

"Пахтакор" чўкяпти...

"Кема капитани" уйғониши керак. Чемпионлик қўлдан кетмоқда...

11 турда 20 очко тўплаган амалдаги чемпион 1-даврани охирига етказиб қўйиш учун "Металлург" ва "Сўғдиёна" синовидан ўтиши керак. Олдинги йиллар билан солиштирсак, "шерлар" ёмон мавсум ўтказишмоқда. Бу нималарда кўринади?

1. Натижа

Жамоа айни пайтда Суперлигада 5-бўлиб турибди. Қолдирилган ўйинларни ютса, медаллар зонасига кўтарилади. Ёки аксинча...

Қолдирилган учрашувлар туфайли юзага келган жадвалдаги чигаллик мавжуд ҳолатни тушунишни қийинлаштиряпти. Шунинг учун "Пахтакор"нинг дастлабки 11 ўйинини аввалги йиллар билан солиштирамиз.

Питер Хюистра даврида "шерлар" 11 турнинг тўққизини 3 очко билан якунлаб, 2 марта дурангга рози бўлишган. Ҳозир эса пойтахт грандининг активида 5 тадан ғалаба ва дуранг, 1 мағлубият бор (Шота даврида бутун мавсум бўйи бунча очко йўқотилмаган).

2. Ҳимоядаги тартибсизлик

Қишда тажрибали Кримец ва Анзур Исмоиловнинг ўрни легионерлар билан тўлдирилди. Гарчи "шерлар" Суперлигада энг кам тўп ўтказиб юборган бўлса ҳам, уларнинг аксари мудофаа чизиғи вакилларининг айби билан пайдо бўлди ва очко йўқтолишига олиб келди. "Пахтакор" ҳимоясига асл баҳони халқаро майдон қўйиб берди — 6 ўйинда 15 гол.

Бу муваффақиятсизликда асосий гуноҳкор сифатида Олексей Ларин ва Камен Ҳаджиев кўрсатилмоқда. Дарҳақиқат, марказда рисоладагидек шерик тополмаётган Шерзод Аъзамов анча қийналиб қолди. Шунингдек, ўз позициясида ҳақиқий монополга айлантирилган Сайфиев ва Алижоновда шашт анча пасайганини ҳам унутмаслик керак. Бунда тўғри футболчиларни трансфер қилолмаган, Ҳожиакбарга биттагина рақобатчи топиб беролмаган раҳбарият айбдор.

3. Олдинги чизиқда парокандалик

2 йилдирки, жамоа Сергеевнинг ўрнини тўлдира олмаяпти. Ҳужумларни якунлаш бўйича муаммолар ортгандан ортяпти. "Пахтакор" сермаҳсуллик борасида "Бунёдкор" ва "Қизилқум"дан ҳам ёмонроқ натижа қайд этяпти (Суперлигада 7-кўрсаткич). Буни мавсум аввалида таклиф қилинган форвардлар ўзини кўрсата олмаётгани билан изоҳлаш мумкин.

Факт: "Пахтакор" тарихда 3 марта чемпионатнинг дастлабки 11 турида 15 тадан камроқ гол урган. Ва ҳар гал чемпионликни рақиблари ("Навбаҳор" ва "Бунёдкор")га бой берган.

4. Бир кишига боғланиш

Машарипов билан Сергеев кетганидан кейин ҳужумдаги масъулиятнинг катта қисми Чераннинг гарданида қолиб кетди. Голларнинг асосий қисмини сербиялик футболчи ураётганини қўя туринг, жамоа у майдонга тушмаган ўйинларни ютолмаяпти. Яъни, Драгансиз "Пахтакор" Суперлигада аутсайдерга айланиб қолади.

Таркибда чемпионат тарихидаги энг кучли легионерлардан бири бўлиши, ўйин унинг атрофига қурилиши яхши, албатта. Лекин Чераннинг ёши (деярли 35) инобатга олинса, тезроқ янги лидер топиш зарурати англашилади.

5. Мураббий фактори

"Шерлар" раҳбарияти Хюистрани кетказиб, янглишганди. Кейин хатони хато билан тузатишга уриниб кўришди. Ўзбекистоннинг энг кучли футболчилари йиғилган "Пахтакор"га бош мураббий сифатида Словакия чемпионатидаги 21 ўйиндан ташқари ҳеч қандай тажрибаси бўлмаган, бунинг устига, 2 йилдан бери ишсиз юрган Славче Войнески олиб келинди. 

Мухлислару журналистлар бир ёнга, футболчилар орасида ҳам македониялик мутахассисга ишонмаётган ва унинг алмаштирилишини хоҳлаётганлар талайгина. Ҳаттоки, буни Войнескининг юзига айтганлар ҳам бўлди.

Ечим

"Пахтакор"ни аввалгидек "йиртқич" жамоага айлантириб, чемпионатни ютиш учун бир нечта ақлли трансферлар керак бўлади. Биринчи навбатда шогирдларини ҳам қойил қолдира билмаётган Войнески билан йўллар айрилиши лозим. Унинг ўрнини клубдаги юлдузлардан каттароқ ва тажрибалироқ мутахассис эгалласа, ичкаридаги муҳит анча ўзгаради.

Шунингдек, баъзи позициялар кучайтирилиши керак. Жамоани Сардор Рашидов билан Ҳожимат Эркинов тарк этди. Аброр Исмоилов ва Достонбек Ҳамдамов 2-даврада Тошкентда қолишса, ажаб эмас. Эшитишимизга қараганда, Русланбек Жияновни ҳам "Пахтакор"га қайтариш бўйича ҳаракатлар бошланган. 

Бундан ташқари, чемпионлик курашида жуда кучли марказий ҳужумчи ва ҳимоячилар керак бўлади. Ўзбекистонда бундайларни топиш қийин. Борлари ҳам арзон эмас. Буёғига Макснинг маҳоратига боғлиқ.

обуна бўлинг → "Футбол АНАЛИЗИ"

Муаллиф :
Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика