“Пахтакор” афсонаси Станислав Стадникни хотирлаб

Ўзбек футболи мактабининг ёрқин ва ўчмас футболчиларидан бири Станислав Митрофановчи Стадник 1940 йилнинг 21 май санасида Тошкент шаҳрида туғилган. Агар ҳаёт бўлганида бугун 80 ёшга тўлган бўлар эди. Стадник фаолияти давомида СССР спорт устаси унвони билан тақдирланган. Москванинг “Динамо” клуби билан собиқ иттифоқ Олий лигасида кумуш медалларига эга чиққан. СССР Олимпия терма жамоасида эса битта учрашувда майдонга тушган.

“Пахтакор” жамоаси ташкил этилган дастлабки йилларданоқ Стадник ўзининг иқтидори билан бошқалардан ажралиб турди. Ушбу ҳужумчи клубда ўтказган йиллари мобайнида Геннадий Красницкий билан ажойиб тандем ҳосил қилган ҳолда жамоани муваффақият сари етакладилар. 1962 йилда мазкур икки ўйинчига Москванинг “Динамо” жамоаси қизиқиш билдира бошлаганди. Красницкий Тошкентда қолишга қарор қилди.

Станислав Стадник тепа қаторда чапдан иккинчи

Стадник эса Россия томон йўл олди. У ушбу жамоа таркибида 1962 йил 2 май куни Беларусь клубига қарши учрашувда дебютини нишонлади. Бошланғич таркибда дастлабки дақиқалардан ҳаракат қилган футболчи 81-дақиқада “Динамо”га ғалаба келтирган иккинчи голга муаллифлик қилди. 1962/1963 йилларда москваликлар сафида 18та ўйинда қатнашиб 2та гол урди ва яна “Пахтакор”га қайтди.

Стадникдаги аниқ паслар, ажойиб техника ва ақлли тактик ҳаракатларга эга эди. Унинг камчиликларидан бошланғич тезлиги пастлигида эди. Тошкентга қайтганидан сўнг уч йил ўтгач бош мураббий Михаил Якушин билан юзага келган можаро сабабли жамоадан кетишга мажбур бўлди.

У фаолияти давомида “Қайрат”, “Ташавтомаш”, “Труд” (Жиззах), “Хонқа”, “Политотдел” каби жамоаларда тўп тепди. Фаолиятини якунлагач маълум муддат мураббий сифатида ишлади.

Станислав Митрофанович 1998 йил 19 декабрда Тошкентда вафот этди.

Станислав Стадник хотира турнири 

Мавлон Шукурзода
Ўзбек тилига Абдулазиз Искандаров таржимаси