Палмер ўз гол нишонлашини расмийлаштирмоқчи

Ўтган мавсум давомида Палмер ўзининг гол нишонлаши орқали "Совуқ Палмер" (Cold Palmer) лақабини олди.

"The Sun" маълумотига кўра, футболчи ҳуқуқ идораларига мурожаат қилиб, ўзининг гол нишонлаш услубини шахсий бренди сифатида яратмоқчи эканлиги борасида ариза қолдирган.

Ҳужжатларга кўра, Палмер диета махсулотлари ва ичимликлари, кийим, ўйинчоқлар ва косметика савдоси билан шуғулланмоқчи. Кейинчалик у автомобил соҳасига ҳам кириб боради.

Ўз аризаларида футболчи голдан кейин нишонлашининг видеоларини ҳам акс эттирган. Бундай нишонлашни у "Манчестер Сити"даги собиқ жамоадоши Морган Рожерсдан ўрганган.

Коул бундай гол нишонлашини илк марта "Челси" таркибида "Лутон"га қарши ўйинда амалга оширганди.