Ўзбекистонлик тажрибали ҳакам фаолиятини якунлади

Бу ҳақида ЎзФҲМ матбуот хизмати маълум қилди.

"Ўзбекистондаги ҳакамлик тизимида узоқ йиллар фидокорона хизмат қилган Артём Калилин ўз фаолиятини якунлади. У ёрдамчи ҳакам сифатида кўплаб муҳим учрашувларда ишончли ва профессионал тарзда ишлаган.

Фаолиятининг кейинги босқичида Артём Калилин тажрибали инструктор сифатида ёш ҳакамларни тайёрлаш, уларнинг малакасини ошириш йўналишларда самарали меҳнат олиб боради деган умиддамиз.

Артём Калилинга амалга оширган меҳнати учун миннатдорлик билдирамиз. Унинг футболимиз ривожига қўшган ҳиссаси доимо қадрланади. Келгусидаги фаолиятида улкан зафарлар тилаймиз", - дейилган хабарда.