UZ

Сўнгги янгиликлар

19:11"Арсенал" Йозуа Киммихга қизиқмоқда  0 18:55Суперлига. "Динамо" – "Металлург" (матнли трансляция)  0 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  13 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  13 16:20"Евро-2024"да ҳеч ким Англия билан тенглаша олмайди"  8 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5

Ўзбекистонда VAR тизимини йўлга қўйиш бўйича семинар бўлиб ўтмоқда Янгиликлар

Ўзбекистонда VAR тизимини йўлга қўйиш бўйича семинар бўлиб ўтмоқда

Теглар :  VARЎФА
Ўзбекистон футбол ассоциацияси юртимизда ҳакамлик даражасини ошириш, футбол учрашувларининг ҳакамлар томонидан ҳар жиҳатдан адолатли тарзда бошқарилишини таъминлаш мақсадида мунтазам равишда қатор лойиҳа ва дастурларни амалга ошириб келмоқда.

Халқаро тажрибадан келиб чиққан ҳолда, ФИФА ҳамда ОФК тавсияларига мувофиқ, футбол учрашувлари вақтида адолат ва шаффофликни таъминлаш мақсадида яқин келажакда Ўзбекистонда ҳам VAR (Video Assistant Referee – видео ёрдамчи ҳакам) тизимини жорий этиш кўзда тутилмоқда.



Шу боисдан кеча Тошкентда VAR тизимини йўлга қўйиш, ушбу тизимдан самарали фойдаланиш бўйича семинар бошланди. Унда ФИФА ва ИФАБ мутахассислари томонидан мазкур замонавий тизимни йўлга қўйишда эътибор қаратиш лозим бўладиган жиҳатлар, бунга қадар VAR тизими жорий этилган мамлакатлар тажрибасидан унумли фойдаланиш, VAR тизимининг фойдали жиҳатлари, ушбу тизимдан самарали фойдаланишда оператор ва ҳакамларнинг аҳамияти бўйича зарур кўникмалар тақдим этилмоқда.

Ўзбекистон футбол ассоциацияси ташаббуси билан ўтказилаётган ушбу семинарда ФИФА Ҳакамлар бошқармасидан Майкл Босслер, ФИФАнинг футболда замонавий технологияларни татбиқ этиш бошқармасидан Бхвешан Морген ва ИФАБ вакили Тибо Нийсен бу борадаги ўз билим ва тажрибалари билан ўртоқлашмоқда.

Семинарда ЎФА ва ПФЛ мутахассислари, Суперлига учрашувлари ҳакамлари, назоратчи ва йўриқчилар, Суперлига учрашувлари ўтказиладиган стадионлар директорлари ҳамда Спорт телеканали вакиллари иштирок этишмоқда.



Кеча старт олган семинарда бевосита иштирок этаётган ЎФА Биринчи вице-президенти Равшан Эрматов мазкур тизимнинг йўлга қўйилиши юртимизда футболнинг ривожи учун хизмат қилишини таъкидлаб ўтди:

- Сўнгги вақтларда ФИФА ҳамда ОФК томонидан футболга замонавий технологиялар жадал суръатларда татбиқ этилмоқда. Жаҳоннинг етакчи лигалари ҳам ўйиннинг ҳар томонлама адолатли ўтишини таъминлаш мақсадида VAR тизимини аллақачон йўлга қўя бошлашди. Шу ўринда, Ўзбекистон футбол ассоциацияси ҳам ўз олдига юқори мақсадлар қўймоқда. Юртимизда ФИФА ва ОФКнинг нуфузли мусобақаларини ўтказиш режалаштириляпти. Йирик мусобақаларга мезбонлик қилиш учун эса замонавий технологиялардан кенг фойдаланаётган ФИФА ҳамда ОФК каби илдамлашимиз талаб этилади. Шу боисдан яқин келажакда юртимизда ҳам VAR тизимидан фойдаланиш режалаштирилмоқда. Бу борадаги дастлабки қадамларни ташлаяпмиз. Ушбу семинар давомида олинадиган билимлар бизга мазкур тизимни татбиқ этишда ас қотишига аминман, - дея таъкидлади Равшан Эрматов.



Рейтинг:    

Фикрлар

championat.asia
< сўнгги янгиликларни кўриш
Яндекс.Метрика