UZ

Сўнгги янгиликлар

00:51"Лилль" дарвозабонидан супер қаҳрамонлик!  0 00:28ОФФА Президенти Ровшан Нажаф ФИФА Президентига миннатдорлик билдирди  0 00:15Конференциялар лигаси. "Кристал Пэлас" тарихий ўйинда ишончли ғалаба қайд этди  1 23:53Европа лигаси. "Бетис"да ғалаба, "Рома" ўз майдонида ютқазди ва бошқа натижалар  0 23:25Муҳим ўйинлар олдидан "Ливерпуль"да жуда жиддий йўқотиш бор  3 23:06Анчелотти Бразилия термасининг сардори ким бўлишини маълум қилди  2 22:43Исроил нега мусобақалардан четлатилмаяпти? Инфантино жавоб берди  15 22:14Игорь Иванович Химич — “Нефтчи” футбол академияси директори  2 21:55Чақир, Мбаппе, Хойлунд - ЕЧЛда ҳафта рамзий термаси маълум қилинди  0 21:31ЎФА Фабио Каннаварога қанча муддатли шартнома таклиф қилган? Тимур Кападзенинг термадаги тақдири нима бўлади?  53 21:13Фабрицио Романо: Ўзбекистон термасини "Олтин тўп" соҳиби бошқаради  65 20:56ЕЧЛда ҳафта футболчиси маълум қилинди  3 20:25Гаиска Мендьета: "Хави МЮда ишлашга ўзини тайёрлаб келмоқда"  4 19:53"Парма" ҳужумчиси Англиянинг учта клуби эътиборига тушди  1 19:30Терма жамоа дарвозабони, Қосимовни ютган мураббий, 21 ёшли футболчи — Суперлигада 23-турнинг энг яхшилари   7

Ўзбекистон U-17 терма жамоаси бош мураббийи Осиё кубоги олдидан ОФК расмий сайтига интервью берди Янгиликлар

Ўзбекистон U-17 терма жамоаси бош мураббийи Осиё кубоги олдидан ОФК расмий сайтига интервью берди

Эртага, 3-апрель куни Ўзбекистон U-17 терма жамоаси Осиё кубогидаги иштирокини бошлайди.

Вакилларимиз илк турда Таиландга қарши майдонга тушадилар. Жамоа бош мураббийи Ислом Исмоилов мусобақа олдидан ОФК расмий сайтига интервю берди.

— Жамоа тайёргарлиги қандай кечди?

— Жамоамиз Осиё кубогига ҳар томонлама яхши тайёргарлик кўрди. Тайёрланиш жараёни босқичма-босқич олиб борилди ҳамда футболчиларимизнинг жисмоний, тактик, техник ва руҳий тайёргарлиги устида алоҳида ишладик. Аввал маҳаллий йиғинлар ўтказилиб, жамоавий ўйин услубимизни ривожлантиришга эътибор қаратилди. Кейинчалик халқаро ўртоқлик учрашувлари орқали жамоанинг ўйин сифатини оширишга ҳаракат қилдик. Йиғинлар давомида футболчиларимизнинг ўйинга бўлган тушунчаси янада ривожланди, жисмоний формаси эса оптимал ҳолатга келтирилди.

— Осиё кубогини жароҳат сабаб ўтказиб юбораётган муҳим футболчиларингиз борми?

— Жамоамизда жароҳат туфайли мусобақани ўтказиб юборадиган футболчилар йўқ. Ҳамма ўйинчилар яхши формада ва тўлиқ таркиб билан турнирга тайёргарлик кўрганмиз. Бу биз учун катта устунлик беради, чунки мураббийлар штаби барча режаларимизни тўлиқ таркиб асосида ишлаб чиққан. Энди асосий мақсадимиз футболчиларни максимал даражада ўйиндан ўйинга юқори ҳолатга чиқариш ва ҳар бир учрашувда энг яхши ўйинимизни намойиш этишдан иборат.

— Ўзбекистон Осиё кубогини Таиландга қарши очилиш учрашуви билан бошлайди. Бу жамоа ҳақида қандай фикрдасиз? Уларнинг қандай кучли томонларини кўряпсиз?

— Таиланд ёшлар футболи йилдан-йилга ривожланиб бормоқда. Улар техник жиҳатдан анча кучли ва тезкор ўйин намойиш эта оладиган жамоа. Айниқса, ҳужумга тезкор ўтиш ва қисқа жойларда аниқ паслар орқали рақибни ҳолдан тойдириш уларнинг кучли томонларидан биридир. Шу сабабли, биз уларнинг комбинацион ўйинини йўққа чиқариш ва ўз ҳужум чизиғимиз орқали устунликка эришишга ҳаракат қиламиз. Тайёрланиш жараёнида Таиланд жамоасининг ўйин услуби ва тактик схемаларини чуқур таҳлил қилдик. Ўйлайманки, кучли рақибга қарши яхши натижа кўрсатиш учун етарлича имкониятларимиз бор.

— Ўтган мусобақалардан олинган энг катта сабоқлар ва жамоа ҳозир қўллаётган услублар ҳақида айта оласизми?

— Олдинги мусобақаларда иштирок этган жамоаларимизнинг босиб ўтган йўллари биз учун катта тажриба бўлди. Аввало, турнир давомида барқарор ўйин кўрсатиш ва босим остида ҳам совуққонликни сақлаш муҳимлигини англадик. Шу сабабли, ҳозирги таркиб билан ишлашда ментал жиҳатдан тайёргарликка катта урғу бердик. Бундан ташқари, жисмоний ҳолат ва ўйин суръати турнирларда ҳал қилувчи аҳамият касб этишини тушундик. Олдинги мусобақаларда баъзан майда деталлар натижага таъсир қилган бўлса, ҳозир бундай жиҳатларга ҳам алоҳида эътибор беряпмиз. Ўйлайманки, бу тажрибалар бизга муваффақиятга эришиш йўлида муҳим асос бўлиб хизмат қилади.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика