Ўзбекистон U-14 чемпионати. "Одил Жуниор" ва "Турон" мураббийларининг илк турдан сўнг фикрлари

14 ёшгача бўлган футболчилар ўртасидаги чемпионатнинг биринчи мавсуми илк туридан ўрин олган "Одил Жуниор" - "Турон" (6:0) учрашувидан сўнг мураббийларнинг фикрларини эътиборингизга ҳавола қиламиз. 

Зайниддин Тожиев ("Одил Жуниор U-14" бош мураббийи) - Болаларимиз жуда яхши тўп тепди. Берилган кўрсатмаларни бажаришди. Бунинг учун уларга раҳмат айтиб қоламан. 4 йил олдин жамоамиз ташкил қилинганди. Мана шу вақт ичида вилоятлардан иқтидорларни жалб қилдик. Кўз тегмасин ёмон эмас. Шаклланиш жараёнидамиз. Тўрт йиллик меҳнатимиз самараси шу. Тўхтамаймиз ва олдинга интилишда давом этамиз. 

Самандар Мелибоев ("Турон" U-14 бош мураббийи) - Майдонда маҳорат ўз сўзини айтди. Ўйиндаги устунлик рақиб томонида бўлди. Кейинги ўйинларда курашамиз. Шунинг учун бу ерга келдик. Натижани эмас, болаларни қандай ҳолатда эканлигини ўйлашимиз зарур. Қайсидир маънода кундузи йўлга чиққанимизни ҳам таъсири бўлди, деб ўйлайман. Бугун эрта тонгда келиб бир соат дам олиб майдонга чиқдик. "Турон" клуби академиясини йўлга қўйиш арафасида. Насиб қилса, ҳаммаси яхши кечади.