Ўзбекистон терма жамоаси собиқ устози: "Россиянинг гуруҳи осондек кўринган эди, ҳозир эса..."

"Аввалига Россия терма жамоаси гуруҳи осондек кўринган эди. Ҳозир эса жамоанинг тайёргарлиги ҳавотир ва шубҳалар уйғотмоқда. Айниқса Германия ва Саудия Арабистони терма жамоалари учрашувидан сўнг. Гуруҳдан чиқиш россияликлар учун яхши натижа бўлади.

Саудия Арабистони чақилмас ёнғоқдек кўринмоқда. Айниқса улар ўйинни тўғри ташкил қилишса. Миср терма жамоаси Салоҳнинг ўйинига боғлиқ. У асосий фигура. Аргентина терма жамоаси ва Месси ҳам худди шундай. Уругвайга тўхталадиган бўлсак, менимча, улар ЖЧ-2018 фаворитларидан бири. Улар кучли тўртликка кира олишади, бироқ улардан нима кутиш мумкинлигини билмайман.

Россия терма жамоаси нима эвазига гуруҳдан чиқиши мумкин? Бир томондан рухий тайёргарлик муҳим. Бу нарса ҳозир кутилганидек яхши эмас. Футболчилар ўз даражасида ўйнамаяпти. Бунинг учун улар ўз кучларига ишонишлари керак. Мураббийлар штаби жамоани мундиал стартигача яхши ҳолатга олиб келишига шубҳалар бор. Потенциал бўйича Саудия Арабистони ва Мисрдан кучлироқмиз" - дейди Непомняший.