Олимпия терма жамоамиз 19 декабрдан 28 декабргача Дубайда йиғин олиб борди. Бу йиғин доирасида дастлаб КХДР олимпия терма жамоаси 4:2 ҳисобида таслим қилинди. 23 декабрда бўлиб ўтган Сурияга қарши баҳсда 0:1 ҳисобида имконият бой берилган бўлса, сўнгги ўртоқлик учрашувида Қатар олимпиячилари мағлуб этилди - 2:0.
Бугун жамоа делегацияси Дубай-Тошкент йўналиши бўйича учишади ва Тошкент вақти билан 18:00да юртимизга етиб келишади.
Эслатиб ўтамиз, Ўзбекистон олимпия терма жамоаси январь ойида Қатар пойтахти Доха шаҳрида бўлиб ўтадиган ёшлар ўртасидаги U-23 Осиё чемпионатига тайёргарлик кўрмоқда. Ушбу қитъа чемпионатида вакилларимиз гуруҳда Жанубий Корея, Ироқ ва Яман билан ўйнайди.
