Ўзбекистон ўсмирлар терма жамоаси Австралия U-16 термасига қарши ўртоқлик ўйинини ўтказади
28 июл 2016 17:50
Янгиликлар

Ўзбекистон ўсмирлар терма жамоаси Австралия U-16 термасига қарши ўртоқлик ўйинини ўтказади

Шу йилнинг 5 сентябрь – 2 октябрь кунлари Ҳиндистоннинг Гоа шаҳрида ўсмирлар ўртасида бўлиб ўтадиган Осиё чемпионатига тайёргарлик кўраётган Ўзбекистон U-16 терма жамоаси Тошкентдаги йиғини доирасида Уммон ўсмирлар термасига қарши иккита назорат ўйинини ўтказди.

25 июль куни бўлиб ўтган дастлабки ўйинда Темур Олимхўжаев шогирдлари йирик – 4:1 ҳисобида ғалаба қозонган эди. Кеча, 27 июл куни бўлиб ўтган ўйинда эса нурсиз дуранг қайд этилди – 0:0.

Ўзбекистон U-16 терма жамоаси навбатдаги Словенияда йиғин ўтказиб, Словения ўсмирлар терма жамоаси билан иккита назорат учрашуви ўтказишади. Шундан сўнг, Ўзбекистонда якуний йиғин ўтказилиб, 9 сентябрь куни Ҳиндистонга учиб кетилади. 10 сентябрда эса Темур Олимхўжаев шогирдлари Ҳиндистоннинг Гоа шаҳрида Австралия ўсмирлари билан ўртоқлик учрашуви ўтказишади.

Бу мусобақа олдидан сўнгги назорат учрашуви бўлади ва 15 сентябрдан расмий ўйинлар бошланади.
Эслатиб ўтамиз, Ўзбекистон ўсмирлар терма жамоаси Осиё чемпионати финал босқичида КХДР, Таиланд ҳамда Яман ўсмирлар терма жамоалари билан бир гуруҳдан ўрин олган.

Ҳавола :

Манба : the-uff.com

Янгиликларни Телеграмда ўқинг!

Рейтинг: +2