Ўзбекистон оқ, Иордания қизил рангли либосда ўйнайди

9 сентябрь куни Ўзбекистон ҳамда Иордания терма жамоаси менежерлари иштирокидаги митинг бўлиб ўтди ва унда 10 сентябрь куни бўлиб ўтадиган учрашувда терма жамоалар майдонда қандай рангли либосларда ҳаракат қилишига ойдинлик киритилди. Унга кўра, мезбон - Ўзбекистон миллий терма жамоаси оқ рангли либосларда, Иордания эса, қизил рангли либосларда ҳаракат қилади.

Эслатиб ўтамиз, куннинг бирини ярмида иккала терма жамоа бош мураббийлари иштирокидаги ўйинолди матбуот анжумани бўлиб ўтди. Унда дастлаб Иордания миллий терма жамоаси бош мураббийи Ҳуссам Ҳассан ОАВ ҳодимлари саволларига жавоб берган бўлса, матбуот анжуманининг иккинчи қисмида Ўзбекистон миллий терма жамоаси бош мураббийи Миржалол Қосимов иштирок этди.

Ўзбекистон ҳамда Иордания миллий терма жамоалари иштирокидаги ЖЧ-2014 саралаш плей-офф жавоб учрашуви 10 сентябрь куни Тошкентдаги «Пахтакор» стадионида бўлиб ўтади. Ўйин Тошкент вақти билан 19:00да бошланади.