Ўзбекистон МТЖ Шри-Ланкага қарши учрашув олдидан машғулот ўтказди + Достон Ҳамдамовнинг эртанги ўйин ҳақида фикри ГАЛЕРЕЯ
07 июн 2022 20:55
Янгиликлар

Ўзбекистон МТЖ Шри-Ланкага қарши учрашув олдидан машғулот ўтказди + Достон Ҳамдамовнинг эртанги ўйин ҳақида фикри ГАЛЕРЕЯ

Бугун "Навбаҳор" клуби захира майдонида Ўзбекистон миллий терма жамоасининг Шри-Ланкага қарши ўйинолди машғулот ўтказди.

Хабарингиз бор, Осиё Кубоги-2023 саралаш баҳсларининг финал босқичида Сречко Катанец бошчилигидаги Ўзбекистон миллий терма жамоаси Таиланд, Мальдив ороллари ва Шри-Ланка билан "C" гуруҳидан жой олганди. Эртага Наманган вилоятида мазкур саралаш баҳслари старт олади. Ўзбекистон миллий терма жамоаси илк турда Шри-Ланкага қарши ўйинолди машғулот ўтказди. Йиғинда таркибга жалб этилган барча футболчилар иштирок этди. Машғулотларнинг дастлабки 15 дақиқаси ОАВ ходимлари учун тарзда ўтказилди. Шунингдек, терма жамоа футболчиси Достон Ҳамдамов бўлажак баҳс ҳақидаги фикрлари билан ўртоқлашди.

- Бўлажак ўйинга яхши тайёргарлик кўрдик. Бунинг самарасини эртага мухлислар кўз ўнгида намойиш этиб, саралаш босқичини ғалаба билан бошламоқчимиз.
- Саралаш босқичи доирасида учта учрашув ўтказасизлар. Мураббий учала баҳсга ҳам кучни тенг тақсимлаган ҳолда ўйин намойиш этиш кераклиги тўғрисида кўрсатма бердими ёки дастлабки тўқнашувдаёқ барча кучни сарфлаш кераклигини таъкидладими?
- Албатта, ўйин ташкил этишимиз қандай рақиб эканлигига ҳам боғлиқ. Бироқ барча учрашувларда бор имкониятларимизни ишга соламиз.