Чорак финал "Навбаҳор", "Сўғдиёна", "Насаф", АГМК финал йўлланмаси учун кураш олиб боради. Ажаблантирган жиҳати шуки, жорий йилда мусобақа ярим финалига бирорта пойтахт клуби йўл олгани йўқ. Бундай ҳолат сўнгги бор 1999/2000 йилги мавсумда кузатилган бўлиб, финал остонасида "Дўстлик" (Тошкент вилояти), "Нефтчи" (Фарғона), "Насаф" (Қарши), "Динамо" (Самарқанд) жамоалари иштирок этган эди. Кейинги йилларда "Трактор", "Пахтакор", "Бунёдкор", "Локомотив" бу босқичдан доимий ўрин олиб келганини айтиш мумкин.
