UZ

Сўнгги янгиликлар

18:23"Барселона" собиқ мураббийи Эрнесто Вальверде Францияда иш бошлаши мумкин  0 18:00Карикатура: Рики Пуч "Барса"да қолди ва ниҳоят Куманнинг эътиборини тортди  0 17:48Суперқаҳрамонлар Суперлига клубларининг рамзига айланганда  21 17:37"Порту" "Манчестер Юнайтед" вингерини нишонга олди  1 17:26Хабиб Нурмагомедов ва Остон Ўрунов бир жамоада футбол ўйнади  1 17:16"Ювентус" Толиссо ва Зиркзега қизиқмоқда  1 17:10Роналду 2021 йил жамоасини ўзгартиради. У "Реал"да Мбаппе билан ўйнайди-ми?  7 16:53Расман: "Челси" Лэмпардни истеъфога чиқарди  32 16:35Olamsport: Флойд Мэйвезер Маҳмуд Мурадовни табриклади, Чендлерга Хабибнинг гаплари ёқмади  2 16:28"Фарғона вилояти ҳокими кубоги-2021": "Нефтчи" ва "Истиқлол"да ғалаба  11 16:16Пуч: "Қийин мавсум, мен бунчалик кам ўйнашга кўникмаганман"  4 15:45"Челси"нинг янги бош мураббийи ким бўлиши маълум  14 15:27Лэмпард тез орада истеъфога чиқарилади  11 15:15"Хетафе" "Бавария" ўйинчиси учун курашга қўшилди  0 15:08Тожикистон чемпионатининг 2020 йилдаги энг яхши легионери "Янгиер"да  20

Ўзбек футболининг адолатга аллергияси борми? Янгиликлар

Ўзбек футболининг адолатга аллергияси борми?

Футбол ишқибозларининг орасида шундай фикр айланиб юради: "Футболдаги “А” ҳарфи “адолат” деганидир”.

Йиллар давомида мухлислар, журналистлар бу ҳақда гапириб келишди, лекин ҳеч кимнинг қўлида биров(лар)ни айблашга асос йўқ эди (энди бор, мазза). Хўш, ҳақиқатан ҳам футболимизнинг адолатга аллергияси борми?

Афтидан шундай экан: 28 ноябрь куни ЎФА матбуот хизмати ташкилот Этика қўмитаси томонидан қабул қилинган 04/2020, 05/2020 - сонли қарорларни эълон қилди — Жасур Мухторов, Аскер Наджафалиев ва Темур Тўхтасинов жазога тортилди (аниқроғи, жазоланганлар орасида фақат шуларнинг номи оммага ошкор қилинди ва урғу “сотилган” ҳакамларга қаратилди). Бу олдинга ташланган катта қадамдек кўринади. Аммо...

Буюртмачилар парда ортида қолмаслиги шарт!

ЎФА баёнотида шундай банд бор: “Шу жумладан, қўмита қарорлари билан мазкур ҳолатларга алоқадор бир нечта ёрдамчи ҳакамлар, назоратчилар ҳамда футбол клублари масъуллари тегишли жарималарга тортилди”.

Бу бир қанча саволларни келтириб чиқарди. Жумладан, ҳуқуқшунос Хушнуд Худойбердиев шундай ёзди: "Агар ўша ҳакамлар ўйин натижасига таъсир қиладиган қарорлар чиқариш учун келишгани исботланган бўлса, унда ўша ҳакам билан келишиб, "соққасини берган" футбол клуби масъулларига жавобгарлик йўқми?"

Дарҳақиқат, Этика қўмитаси қарор чиқаришда мантиқсизликка йўл қўймаганми?

“Сотилган”лар четлатилди, гап йўқ. Буюртмачилар эса? Йўқ! Баёнотга ишонадиган бўлсак, уларга нисбатан фақат жарима қўлланилган. Масалан, мен шундай ўйлайман: “буюртмачи”лар ҳакамларга нисбатан қаттиқроқ жазоланиши шарт. Улар футбол ичида юраверар экан, бу каби ҳолатлар қайталанаверади (таклифлар айнан талаб бор жойда пайдо бўлади).

Жорий мавсум натижалари қайта кўриб чиқилиши керак!

ЎФА баёнотида айнан қайси ўйинларда коррупцион ҳолатлар аниқлангани тўғрисида маълумот йўқ. Ҳакамлар нечтадан ўйиннинг натижасини ўзгартириб юборгани оммага ошкор қилинмади, аммо уларга нисбатан қўлланилган жазо чораларининг турличалиги ўйинлар сони ҳам бир хил эмаслигидан далолат. Этика қўмитасининг мақсади адолатни таъминлаш бўлса, биринчи навбатда коррупцион ҳолатлар аниқланган баҳсларнинг натижасини бекор қилиши керак. Сабаб шундаки, бу мусобақа жадвалига жиддий таъсир кўрсатиши мумкин — совриндорлар ёки чемпионатни тарк этадиган клубларнинг ўрин алмаштириш эҳтимоли йўқ эмас.

Хуллас, футбол мухлиси сифатида ЎФА Этика қўмитаси томонидан чиқарилган қарордан қониқмадим. Фикрларимни юқорида келтирдим. Ҳозир эса футбол тарихидаги энг катта жанжаллардан бирига тўхталмоқчиман.

 “Кальчополи”            

2006 йилнинг 22 апрелида Италиянинг "Gazzetta dello Sport" нашрида чоп этилган мақола итальян футболи учун “бомба” бўлди. Ўша воқеа қандай юз берганидан хабарингиз бор-а?

Дастлаб, “Интер”нинг ўша пайтдаги президенти Массимо Моратти қўлидаги далилларни Турин, Рим ва Неаполь судларига юборади, аммо ҳеч қандай натижага эриша билмайди. Шундан кейин у матбуотда катта шов-шув кўтарди ва омма ғазабга минди — мухлислар адолатни тиклаб, айбдорларни жиддий тарзда жазолашни талаб қила бошлади. Италия Футбол Федерацияси содир бўлаётган воқеаларга кўз юма олмади ва терговни бошлади. Тезда коррупциянинг барча тафсилотлари маълум бўлиб борди. Фавқулодда тергов комиссиясидан кейин ИФФ чиқарган қарордан фақат буюртмачи клубларга тегишли қисмини эътиборингизга ҳавола қилмоқчиман:

"Ювентус" - қуйи лигага (Серия Б) тушиб кетиш, янги мавсумни -9 очко камомад билан бошлаш, ЕЧЛ-06/07 дан дисквалификация, 2 уй ўйинини ёпиқ эшиклар ортида (бўш стадион) ўтказиш, Италия чемпионатида қўлга киритилган сўнгги 2 титулдан маҳрум бўлиши керак.

"Милан" - 05/06 йилги мавсум учун 30 очкодан маҳрум қилиш, янги мавсумни -8 очко камомад билан бошлаш, битта уй учрашувини ёпиқ эшиклар ортида ўтказиш.

"Фиорентина" - янги мавсумни -15 очко камомад билан бошлаш, ЕЧЛ-06/07 дан дисквалификация, 2 уй ўйинини ёпиқ эшиклар ортида (бўш стадион) ўтказиш.

"Лацио" - янги мавсумни -3 очко камомад билан бошлаш, УЕФА кубогидан дисквалификация, 2 уй ўйинини ёпиқ эшиклар ортида (бўш стадион) ўтказиш.

"Режина" - янги мавсумни -11 очко камомад билан бошлаш ва 100,000 евро миқдоридаги жарима.

Тасаввур қиляпсизми, амалдаги чемпион титулдан маҳрум қилиниб, қуйи лигага равона қилинди, клублардан очколар айриб ташланди, ЕЧЛ ва УЕФА кубогидан четлаштирилди! Клубларнинг масъуллари жаримага тортилиш билан бирга, маълум муддатга футболдан четлатилди. Ваҳоланки, Италияда ҳам фақат “сотилган” ҳакамларни кескин жазолаш билан чекланиш имконияти бор эди, аммо адолат қарор топди. Ўшанда тузилган фавқулодда тергов комиссиясининг таркиби барчага ошкор эди ва воқеалар ривожи борасида ОАВдан сир сақланмади. (Мақолага тайёрланиш жараёнида Этика қўмитасининг таркиби билан қизиқдим, ўзимда пайдо бўлган саволларга жавоб ола билсам, эҳтимол, ўқиётганингиз ёзилмасди ҳам. Аммо, афсус...)

ЎФА Этика қўмитаси айни пайтда ўз ишини давом эттирмоқда. Шу ўринда бизга номаълум масъуллардан айби исботланган барчани кескин тарзда жазолашни сўрайман ва талаб қиламан. Ўзбек футболининг эртаси айнан ҳозир қабул қилинадиган қатьий қарорларга боғлиқ.

Фахриддин Рўзиев, ЎзЖОКУ талабаси

Муаллиф : Faxriddin Ro'ziyev
Рейтинг: +58   

Фикрлар

+12   
30 ноя 00:16:12
☬ Khorezm United ☬
Bir mashxur siyosatchi olim shunday degan ekan: "Qonunlar o'rgimchak to'riga o'xshaydi. Uni katta-katta hasharotlar teshib o'tib ketadi, kichiklari esa yopishib qoladi!"

Bizda ham hamma sohamizda qonunlarimiz shunday ishlaydi - "kattalari"ni jazolashga tishi o'tmaydi, "kichiklari" jazolanadi!
+12   
29 ноя 22:46:01
UZB16
O'rtoq jurnalislar barchasi (tv radio gazeta blogger)lar nimaga hakamlik masalasida reaksiya ko'rmayabman bunchalik duh bo'lmaydiku mard bo'linglar markaziy sutudiya zamon har kun otasini uribdi onasihamsiyaga qarabdi qerdagi muammolarni olib chiqgancha shuni ko'taringlar Axad qayumni kimga qizig'i bor ADOLAT talab qilamiz
+10   
30 ноя 00:38:01
ФАН*
Шу муалиф талаба йигитни ҳар бир чиқиши СА сайти журналистларини йил давомида чиқишларидан ҳам кучли ва қадрли деб ҳисобласак ҳам бўлаверади.
Отангга РАХМАТ.
ЖУРНАЛИСТ деган аслида шундай бўлмоғи лозим.
+10   
29 ноя 22:36:14
Камол Насиров
Италияда бу Италия улар адолатни халқнинг ҳоҳишидан ҳам ортиқроқ қилиб тиклайди. Биз ҳали Ўзбекистондамиз бизга 2.500000 сўм беш кишига 5600 сўм камбағалликдан қутилишга етади. Нима қиламиз футболда адолатни тиклаб. Футбол ўзи нима бу.... Кўпчилик ҳали тушунмайди.
+9   
29 ноя 22:58:02
QUQON UZ
Судияларни ошкора килганлари билан мухлисларга нима кизиги бор булар учун мухлисни кадри кимати йук конунда пора берганам олганам жазоланиши кераг бизда эса ундай эмас берганларни хам жазоланса буларни бошида узлари келиб чикади
+9   
29 ноя 22:30:26
Leicester City
Oshkoralik bo'lishini so'remiz. Korrupsiya bo'lsa, kim berganini ham aytish kerak???
+8   
29 ноя 23:40:50
ASIA CUP NEFTCHI
ЎФА да ишлаганларни духи етмаяпти,коррупция га чора кўрилмай юраверганимиздан ФИФА олдида хам, бутун мухлислар олдида хам обрўйи қолмаяпти. ЎФА ни собиқ рахбари Мираброр Усмонов келишилган Пахтакор ва Металлург ўйинига чора кўришини ваъда қилиб бажармаган.Чора кўрмади.Мана энди очиқдан очиқ хакамлар келишилган ўйинларга аралашган булар хам чора кўрилмай қолиб кетадими? Йигирма эллик йил чемпион бўлса хам топиб жазоласа, ўрнак адолат ўрнатилса футбол ривожланади. Чемпион бўлиб олган бўлса нима керак коррупция орқали.
Хамма томонлама охиригача топиб жазосини бериш керак.
+8   
29 ноя 23:17:55
Qarshinasaf71
Шундай уйинлар сотилиш порхурлик аникланибди, жиноят иши кузгатиш керак камаш керакдир балким мол мулкини мусодара килиш керак уша жарима билан футболдан четлатиш билан хеч нима узгармайди пулни бойлик туплаб олиб мазза килиб яшавурадихечнима курмагандай.
+8   
29 ноя 22:30:56
NMB
Қайси ўйинда келишилган холат бўлганини аниқ ёзиш кк, хамма билсин.
+6   
30 ноя 00:38:06
FC Nᴇғᴛᴄʜɪ 1962 ⭐
Tasavvur qiling siz peshona teringiz bilan qiynalib topgan pulingizdan faloooncha ming so'mga bilet olib maza qilib futbol kuraman deb stadionga tushasiz. Keyin xuddi haqiqiy futbol kurayotgandek butun o'yin davomida berilib hayqirib fanatlik qilasiz. Lekin...

Lekin aslida o'yin kelishilgan... Qanday sharmandalik... Bu - stadionga kelgan 20-30 ming ta (yoki undan ortiq) kap katta odamlarni yosh boladay qilib ustidan kulib ALDASH degani!

Bunday vijdonsizlarni Alloh jazosini bersin!
+6   
30 ноя 00:26:12
Амир Олимхон777
Нима учун факат гапришади танкид килишади- натижа йук .Ит хуради карвон утади кабилида иш куриляпти. Коррупция -чемпионатини одамларга кизиги колмади. Уялилар порахурлар -футболми бу? Боксдан урнак олсаларинг бумидими. Яна катта килиб езиб реклама киласилар узб клубларини- шерлар, калдиргочлар деб! ? Канака шер канака калдиргоч - куенлар еки эчкилар деб езинглар зора сал уялса адолатсизликдан
+6   
29 ноя 22:55:14
Shoxrux0787
Hamid akamiz Qizilqumni bir nech yillardan beri gullatib yashnatyaptilar, buni butuuuuuun Navoi biladi! Yana qayerda nima gaplar???
+6   
29 ноя 22:28:29
ilmli Ravshan
To'g'ri chempionatdagi kelishilgan o'yinlar natijasi umuman bekor qilinishi kerak.jamoalar 1-ligaga ravona bo'lishi lozim
+5   
29 ноя 23:41:12
Алпомиш
QUQON UZ фойдаланувчининг фикрига жавоб бериш
Судияларни ошкора килганлари билан мухлисларга нима кизиги бор булар учун мухлисни кадри кимати йук конунда пора берганам олганам жазоланиши кераг бизда эса ундай эмас берганларни хам жазоланса буларни бошида узлари келиб чикади
Тугри. Конун буйича пора берган хам, олган хам бир хил жазоланиши керак. Хакам узи билан узи келишмаган, иккинчи томонни хам ошкор килиш керак. Конун хаммага тенг.
+4   
30 ноя 00:34:00
Azizbek Rustamovic
Paxtakor Metallurg o‘yinidan so‘ng berilgan jazo esimga tushdi.o‘shanda MUZ bobo yommon qatiq gapirgandi.Paxtakor esa qo‘rqqanidan ishtoniga siyib qo‘ygandi.keyin bobo buni ko‘rib raxmi kelib indamagandi.mana jazo
championat.asia
< сўнгги янгиликларни кўриш
Яндекс.Метрика