UZ

Сўнгги янгиликлар

02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  0 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  53 00:02"Атлетико" — "Реал Овьедо". Таркиблар маълум  0 00:01"Тоттенхэм" — "Фулхэм". Таркиблар маълум  0 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  6 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1 21:07Камолиддин Тожиев: "Жамоадаги энг асосий нарса бу ички муҳит ҳисобланади"  2 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  4 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  3

Ўзбек футболи афсонаси Биродар Абдураимовнинг 80 йиллик юбилейи қандай ўтди? Янгиликлар

Ўзбек футболи афсонаси Биродар Абдураимовнинг 80 йиллик юбилейи қандай ўтди?

Кеча 14 май куни мамлакатимиз футболи афсонаси, фахрий футболчи ва мураббий Биродар Абдураимов 80 ёшни қарши олди.

Шу муносабат билан Ўзбекистон футбол ассоциациясида Биродар Ҳасанович ва яқинда ўзининг 60 ёшини қаршилаган Игор Шквириннинг юбилейи муносабати тадбир бўлиб ўтди.


ЎФАда Ўзбекистон республикаси президенти маслаҳатчиси Одил Абдураҳмонов, ЎФА президенти Абдусалом Азизов, Ёшлар сиёсати ва спорт вазири Адҳам Икрамов, ЎФА биринчи вице-президенти Равшан Ирматов, ЎФА вице-президенти Азизбек Икромов, МОҚ бош котиби Ойбек Касимов, қўшни давлатлардан ташриф буюрган футбол фахрийлари, шунингдек яқин ва узоқ ўтмишдаги футболимиз юлдузлари иштирок этди. Йиғилганлар Биродар Абдураимов ва Игор Шквириннинг юбилей билан табрикладилар ва сермаҳсул фаолиятларини ёдга олдилар.

Жумладан, Ўзбекистон Республикаси Президентининг тегишли фармонига мувофиқ ўзининг юксак профессионал маҳорати, билим ва тажрибаси билан мамлакатимизда спортни ривожлантириш, ўзбек футболи мактаби анъаналарини шакллантириш, унинг халқаро майдондаги нуфузини юксалтириш борасидаги катта хизматлари, миллий терма жамоа учун истеъдодли футболчиларни тайёрлаш, ёш авлодни Ватанга муҳаббат, садоқат руҳида етук ва баркамол этиб тарбиялаш, аҳоли ўртасидаги соғлом турмуш тарзини кенг тарғиб этишга қўшган муносиб ҳиссаси, шунингдек, ижтимоий ҳаётдаги фаол иштироки учун Биродар Ҳасанович Абдураимов «Меҳнат шуҳрати» ва Игор Анатолевич Шквирин «Дўстлик» орденлари билан мукофотланди. 

Тадбир давомида ЎФА президенти футбол жамоатчилиги номидан фахрийларни табриклаб, уларга узоқ умр ва сиҳат-саломатлик тилади.

"Ўзбек футболини дунёга танитган ва ватанимиз равнақи учун хизмат қилаётган футболимизнинг икки афсонаси меҳнати  Президентимиз томонидан муносиб тақдирланди. Кўпгина иқтидори ёшларни тарбиялаган, ва футболимиз ривожига улкан ҳисса қўшган фахрийлар ҳеч қачон эътибордан четда қолишмайди. Сизнинг ҳаёт йўлингиз ёш футболчилар учун намуна бўлиши керак. Мен ишонаман, ҳозирги футбол фахрийларимиз ўз ишларини давом эттиришади ва яна кўп кучли футболчиларни терма жамоаларимизга тарбиялаб беришади" — деди ЎФА президенти. 

Ўз навбатида, Ёшлар сиёсати ва спорт вазири Адҳам Икрамов ҳам юбилей ёшни қарши олган спортимиз фидойиларининг футболчи ва мураббийликдаги ютуқларини эслаб ўтди. Шунингдек қўшни давлатлардан ташриф буюрган футбол фахрийлари, клублар ҳамда Биродар Абдураимов билан бир даврда фаолият олиб борган бир қатор афсоналар кун қаҳрамонини муборакбод этишди. 

Тадбир давомида миннатдорчилик рамзи сифатида турли ташкилотлар томонидан мукофотлар ва эсдалик совғалари топширилди.

Тақдирлаш маросимидан сўнг «Пахтакор» стадионида ўзбек футболи афсонаси Биродар Абдураимовнинг юбилейи муносабати билан ўртоқлик учрашуви ташкил этилди. Унда юртимизнинг фахрий футболчиларидан иборат ЎФА терма жамоаси ҳамда Абдураимов билан турли даврлар ва мамлакатларда фаолият олиб борган дўстларидан таркиб топган жамоа ўртасида учрашув ташкил этилди. 

Қизиқарли ва курашларга бой ўтган ўйинда дўстона дуранг (3:3) қайд этилди.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика