Оуэн фаолиятидаги энг яхши мураббий ва футболчини айтди

“Бир қатор буюк мураббийлар қўл остида ўйнаганман - Гленн Ходдл, Жерар Улье. Аммо барча даврларнинг энг яхши мутахассисларидан бири бу Алекс Фергюсондир. 26 йил давомида мураббийлик қилишда ва юқорида туриш – даврлар ўзгараётганини ҳисобга олганда қойилмақом натижа. Ўйлашимча, Алекс Фергюсон фаолиятимдаги энг зўр мураббий эди.

Мен билан бирга ўйнаган футболчилар ичида энг яхшиси? Бу саволга доимо Зинедин Зидан, деб жавоб бераман”, дейди Оуэн.

Эслатиб ўтамиз, Майкл Оуэн Фергюсон қўл остида “Манчестер Юнайтед”да ҳаракат қилган ва 52 баҳсда қатнашиб, 17 та тўп киритган. Шунингдек, у “қизил иблислар” билан АПЛ чемпиони бўлган. “Реал”да эса Зидан билан 2004/05 йилги мавсум бирга ўйнаган.