Отабек Нарзуллаев: "Андижон"га қарши ҳужум тактикада ўйнамасак бўлмасди"

Учрашувдан сўнг мезбонлар бош мураббийи Отабек Нарзуллаев фикрлари билан ўртоқлашди.

"Бугун муҳим ғалабани қўлга киритдик. Йигитлар ирода кўрсатишди. Қийин ўйин бўлди. Биринчи бўлим бизнинг назоратимизда ўтди. Вазиятлардан фойдалана олмадик, иккинчи бўлимда 1:0 ҳисобини ушлашга ҳаракат қилишди. Бу каби хатолар устида ишлашимиз, яхшилашимиз керак. Барчани табриклайман. Жамоа руҳан тушкунликда эди, бу футболчиларга ўзига бўлган ишончини қайтарди", - дейди Отабек Нарзуллаев. 

- Бу сизнинг илк расмий ғалабангиз. Рақиб кучсиз эмасди. Шунга қарамай ғалаба учун тактика ишлаб чиқдингиз. Асосий хатолар нимада бўляпти деб ҳисоблайсиз?

- Айтганимдек, голдан сўнг руҳан ютдик деб ўйлашмоқда. Футбол 90 дақиқа ўйналади. "Андижон" яхши жамоа, уларни ўрганиб чиққан эдик. Бу жамоага қарши ҳужумкор ўйнамасак бўлмасди. Мавсум бошида "Пахтакор", "Динамо"лар билан қарши ҳужумда ўйнагандик. Энди ҳужумкор тактикани қўлладик. Хатоларимиз устида ишлаймиз, кейинги ўйинлардан бундан ҳам яхшироқ ўйнашга ҳаракат қиламиз.