UZ

Сўнгги янгиликлар

10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  2 09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  6 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  2 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  18 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1

Отабек Ғуломхўжаев: "Про лигани ўйлаётганим йўқ. Жамоани ташлаб кетганимда бу ерга келмас эдим" Янгиликлар

Отабек Ғуломхўжаев: "Про лигани ўйлаётганим йўқ. Жамоани ташлаб кетганимда бу ерга келмас эдим"

Суперлига 26-турдан ўрин олган "Пахтакор" - "Андижон" учрашувидан сўнг меҳмон жамоа бош мураббийи Отабек Ғуломхўжаев фикрларини билдириб ўтди.

"Доимгидек ўзимизга ўзимиз гол олиб келдик. "Пахтакор"ни ғалаба ва чемпионлик билан табриклайман. Бу клуб Ўзбекистоннинг юзи ва фахри. Рақибнинг кучини билар эдик. Ўйинни ҳимоядан қурганимизга қарамай хатолар бўлди",- дейди Отабек Ғуломхўжаев.

- Жамоа ўтиш ўйинида "Нефтчи" билан ўйнайди. "Андижон"ни Суперлигада олиб қолишга ўзингизда ишонч қай даражада?

- Охирги тўртта турда Ўзбекистоннинг топ жамоаларига қарши ўйнадик. Қандай жамоага келаётганимни билардим. Ўтиш ўйинига қадар бориш шарт эмас эди. Лекин ортга йўл йўқ эди. Ҳеч қайси мураббий жамоани пастга тушириб юбориш учун қабул қилиб олмайди. Ушбу учрашувга максимал даражада тайёрланамиз. Жамоани  элитада олиб қоламан деб сўз берганман. Демак ўзимга ва жамоадаги йигитларга ишонаман. Аввало ҳаммаси худодан. 

- "Турон" билан ўйинда "Нефтчи"нинг ҳақиқий кучини кўрмадик. Жамоа дурангни ўйлади ва жазоланди. Бу омил сизни чалғитиб қўймайдими?

- Биласизми, тўғриси Про лигада кўп учрашувлардан кузата олмадим. Охирги тўрт турда фақат ўз ўйинимиз билан машғул бўлдик. Кечаги ўйинда эса йўлда эдик. Фақат видеода карате бўлган вазиятни кўрдик. Айрим ҳиссиётларини ушлай олмайдиган мухлислар деб бутун жамоага баҳо бериш керак эмас. Сўнгги ўйинларини кўриб чиқамиз. "Турон"да хоҳиш юқори бўлди, олдинги чизиқдаги футболчиларида кескинлик, ҳавфли ҳужумлар сони ҳам кўп бўлганини кузатдик. Бир нечта вазиятларда кечирди ҳам. "Нефтчи" билан ўйнаш бизга насиб қилган экан. Яна бир водий дербисини кўрамиз. 

Мен Про лигага тушиб кетишни ўйламаяпман. Агарда тушиб кетсак ҳам жамоани ташлаб кетмайман. Бунда кимдандир айб қидириш керак эмас. Бу йигитлар билан нимадир қила оламиз. Лекин вақтимиз кам. "Пахтакор" яримта вазиятдан ҳам гол уриб кета олишини биласизлар. Менимча икки, уч нафар футболчимизни айтмаганда қолганларнинг ёши 21 ва 24 атрофида. Улар ўз устида ишласа яқин йилларда топ клубларга йўл олиши мумкин. Буни ўзига ҳам айтяпман. Шундай ўйинларда майдонга чиқиб ўзини кўрсатса ҳамма кўради, кузатади. Қачонгача аутсайдер клубларда юраверасизлар деб айтмоқдаман. Уларнинг миясига қуйиб бўлмаяпти. Бошқалар қилган ишни булар қила олади. Фақат тезроқ фикрлаш ва вазиятларда хотиржамроқ бўлиш керак. Аслида бу нарсаларни мен келгунимга қадар ўйлашлари керак эди. Биз ўзбеклигимизга борамиз барибир. Про лигани ўйлаётганимиз йўқ, жамоани ташлаб кетганимда келмас эдим.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика