Осиё ўйинлари-2018. Бугун таэквондодан иккита медаль олдик
20 авг 2018 16:25
Янгиликлар

Осиё ўйинлари-2018. Бугун таэквондодан иккита медаль олдик

Индонезиянинг Жакарта ва Палембанг шаҳарларида Осиё ўйинлари давом этмоқда.

Таэквондо мусобақасида кумуш ва бронза медалига эга бўлдик. Аёллар ўртасидаги баҳсларда -67кг вазн тоифасида юртимиз шарафини ҳимоя қилган Нигора Турсунқулова ярим финалга қадар етиб борди ва ану шу бронза медалини терма жамоамизга тақдим этди.

У ярим финал бахсида таэквондо ватани - Жанубий Корея вакиласи Жанди Кимга 4:14 ҳисобида имкониятни бой бериб қўйди. Эркин ва юнон-рум кураши, дзюдодан фарқли равишда таэквондо мусобақасида ярим финалда ютқазган спортчилар тўғридан-тўғри бронза медалига эга бўлишади.

58 кг вазн тоифасида юртимиз шарафини ҳимоя қилган таэквондочимиз Ниёз Пўлатов финалда кореялик рақибига ютқазиб қўйди ва кумуш медалига эга чиқди.

Ўзбекистон терма жамоаси ҳисобидаги медаллар сони 6тага етди. Спортчиларимиз ҳозирга қадар 1та олтин, 2та кумуш ва 3та бронза медалларини қўлга киритишди.