Осиё Кубоги. Ярим финалнинг қизиқарли факт ва рақамлари

Бунда Жанубий Корея Ироқни 2:0, Австралия ҳам БААни шу ҳисобда мағлуб этди. Қуйида ярим финал ўйинлари билан боғлиқ баъзи қизиқарли факт ва рақамларни келтириб ўтамиз.

0. Жанубий Корея мусобақа бошланганидан бери ўз дарвозасидан бирортаям тўп ўтказиб юбормади. Улар Уммон (1:0), Қувайт (1:0), Австралия (1:0), Ўзбекистон (2:0) ва Ироқ (2:0) билан баҳсларнинг барчасида ғалаба қозонишди.

1. Жэйсон Дэвидсон билан Трент Сейнсбери миллий терма либосида ўзларининг биринчи голларини уришди.

2. Ли Ёнг Хёп турнирдаги иккинчи голини киритди, Ироқ билан кечган баҳсда. 23 ёшли футболчи Ж.Корея либосида ушбу турнирда ўз дебютини ўтказди ва ҳамма ўйинларда майдонга тушиб келмоқда.

3. Австралия кетма-кет учта ўйинда ғалабага эришди.

4. Массимо Луонго тўртта голга ҳаммуаллифлик қилди ва бу кўрсаткичи билан барча футболчилар орасида энг яхшиси бўлиб турибди.

10. Австралия терма жамоасининг 10 нафар футболчиси ушбу мусобақада гол уришнинг уддасидан чиқди. Булар - Тим Кэйхилл, Жэйсон Дэвидсон, Майл Единак, Томи Юрич, Робби Круз, Массимо Луонго, Мэтт Маккэй, Марк Миллиган, Тренн Сейнсбери ва Жэймс Троиси.

12. Австралия турнир иштирокчилари орасида энг кўп 12та тўп киритди.

55. 55 йил деганда Жанубий Корея ўз тарихида иккинчи марта Осиё чемпиони бўлиши мумкин. Улар илк бор 1960 йил қитъа ғолиблигини қўлга киритишганди.