Осиё Кубоги. Мираброр Усмонов журналистлар билан учрашди

Биласиз, эртага терма жамоамиз Хитойга қарши 2-тур баҳсини ўтказади. Ўйиндан олдинги матбуот анжумани якунига етгач, Миржалол Қосимов ва Одил Аҳмедов машғулот учун майдонга йўл олишди. Орадан кўп ўтмай ЎФФ матбуот котиби Бахтиёр Маметов олдимизга келиб, ЎФФ раҳбари ҳам стадионга келгани ҳамда ОАВ вакиллари билан учрашиш ниятида эканлигини маълум қилди.

Натижада бу ерда фаолият олиб бораётган ўзбекистонлик журналистлар пастга тушдик. Мираброр Зуфарович олдимизга Сардор Раҳматуллаев, Асқар Толибжонов, Фарҳод Магометов ҳамроҳлигида чиқиб келди. ЎФФ президенти шошиб тургани боис суҳбат узоққа чўзилмади. Мираброр Усмонов бу ердаги шароитлар билан қизиқди ва ҳаммамиздан терма жамоани дуо қилиб туришимизни сўради.

Х.Холиқов.