Осиё Кубоги-2023 қайси мамлакатда ўтиши керак?
19 июл 2022 12:11
Янгиликлар

Осиё Кубоги-2023 қайси мамлакатда ўтиши керак?

Келаси йил бўлиб ўтадиган Осиё Кубогига қайси давлат мезбонлик қилиши ҳамон аниқ эмас.

ОФК кеча тўртта мамлакат мезбонлик учун ариза топширилганини маълум қилди. Хабарингиз бор, Осиё Кубоги-2023 аслида Хитойда бўлиб ўтиши керак эди, бироқ коронавирус билан боғлиқ ҳолат сабаб Хитой мезбонликдан воз кечди.

Натижада ОФК барча аъзо мамлакатларга мезбонлик бўйича хат юборди. Ва тўртта давлат хатга жавобан тайёрлигини маълум қилди. Булар - Австралия, Индонезия, Жанубий Корея ва Қатар.

Катта эҳтимол билан навбатдаги қитъа биринчилиги мана шу тўрт давлатдан бирида ташкил этилади. ОФК 31 августга қадар ҳар бир давлат ўз дастурини тақдим этиши учун муҳлат берган. 17 октябрь куни эса Осиё Кубоги-2023 мезбони эълон қилинади.

Сизнингча, Осиё Кубоги мезбонлиги кимга берилгани маъқул?

Ҳавола :

Манба : championat.asia

Янгиликларни Телеграмда ўқинг!

Рейтинг: +1