UZ

Сўнгги янгиликлар

14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  0 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  17 08:21Депайнинг агенти: «Бу ёлғон»  10 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0

Осиё Кубоги-2019. Бернд Штанге: "Ё ўрдакларни боқишим ё футболга қайтишим керак эди" Янгиликлар

Осиё Кубоги-2019. Бернд Штанге: "Ё ўрдакларни боқишим ё футболга қайтишим керак эди"

Сурия терма жамоаси бош мураббийи Бернд Штанге интервью берди.

Бир йил олдин германиялик 70 ёшли мутахассис маза қилиб дам олаётганди. Бироқ унга футболсиз ҳаёт зерикарли кўринди. Натижада шу йилнинг ёзида яна катта футболга қайтиб, Сурия терма жамоасини қабул қилиб олди. Бернд Штанге интервью берар экан, нима сабабдан футболга қайтгани ҳамда Сурия терма жамоаси билан режалари ҳақида гапириб берди.

"Бир қарорга келиш мен учун қийин бўлди. Ҳам ўзим, ҳам оилам учун келажакда нима қилишим лозимлигини билиб олишим керак эди. Олдимда иккита йўл турарди: биринчиси, уйимиз олдидан оқиб ўтадиган дарёда сузиб юрадиган ўрдакларни боқиш, иккинчиси футболга қайтиб севимли касбим билан шуғулланиш. Мен боғимиздаги гулларни кесиб ёки бўлмаса набираларимни ўйнатиб юришим ҳам мумкин эди, бироқ футбол севгиси устунлик қилиб охири катта футболга қайтдим. Мен Сурия терма жамоасидан тушган таклиф ҳақида кўп ўйладим ва якунда бир қарорга келдим".

"1998-2001 йиллар оралиғида Австралияда ишлаганман. Австралияда футбол учун ҳамма нарса бор: стадион, машғулот майдонлари, база, транспорт. У ерда футбол профессионал даражага кўтарилган. Сурияда айтарли ҳеч нима йўқ, лекин бу ерда ғалабага чанқоқ футболчилар бор. Улар ютиш учун борларини беришга тайёр".

"Ўтган йил Суриянинг Австралияга қарши иккита ўйини ҳам кўрдим. Менга Сурия бирмунча кучлидек кўринганди, лекин омад Австралия томонида бўлди. Ушбу ўйинларни кўргач суриялик футболчилар билан ишлаш фикри туғилди. Ахир улар жуда меҳнаткаш. Биз навбатдаги Осиё Кубогида яна Австралия билан ўйнаймиз. Лекин эътиборни фақат шу баҳсга қаратмаймиз. Чунки Иордания билан Фаластин ҳам жиддий рақиб".

"Эндиликда Сурияда ҳам футболга нисбатан муносабат ўзгаряпти. Омар Ал Сома, Омар Хрбин каби футболчилар аксар ёшлар учун ўрнак ҳисобланади. Миллий чемпионат баҳслари йўлга қўйилди. Латакиа, Алеппо, Хомс - хуллас қаерга борманг, стадион тўла мухлисларни кўрасиз. Футбол Сурияда тирик. Мана кўрасиз, биз Осиё Кубогида ҳам ўзимизни кўрсата оламиз. Сафимизда ёшлар билан бир қаторда етакчилар ҳам бор".

"Футболчиларимиз майдон ҳолати яхшимаслиги, овқатланиш кучли эмаслиги ҳақида ўйлаётганлари йўқ. Улар фақат бир нарсани хоҳлашяпти: Осиёда ўзларини кўрсатишни. Шогирдларим ёш бола эмас, улар ҳақиқий эркак. Мен бу жамоа билан Осиё Кубогида ғолиб чиқишни истайман", - дейди германиялик мураббий.

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика