Таркиб "Opta Index" — футболчиларнинг асосий статистик кўрсаткичларини ҳисобга олувчи ўртача рейтинг асосида шакллантирилди. Шу сабабли рамзий жамоага, масалан, Франция терма жамоаси вингери Майкл Олисе ва Кабо-Верде терма жамоаси дарвозабони Возинья киритилмади — уларнинг индекси бошқа номзодларникидан пастроқ бўлиб чиқди.
"Opta Sports" талқинига кўра ЖЧ-2026 рамзий терма жамоаси:
Дарвозабон
— Грегор Кобель (Швейцария) — дарвозасига йўлланган аниқ голли зарбаларни қайтариш бўйича энг яхши кўрсаткичга эга (3,3).
Ҳимоячилар
— Педро Порро (Испания) — иккита гол урди, ўйиндан узатилган ҳаводаги пасларбўйича етакчи (24).
— Пау Кубарси (Испания) — ҳимоячилар орасида аниқ паслар бериш бўйича етакчи (671), турнирдаги барча дақиқаларни майдонда ўтказди.
— Лисандро Мартинес (Аргентина) — Аргентина терма жамоасида аниқ паслар бериш бўйича энг яхши кўрсаткич эгаси, шунингдек, самарали ҳаракат билан ҳам ажралиб турди ("гол+пас" тизимида).
— Марк Кукурелья (Испания) — қанот ҳимоячилари орасида аниқ паслар (382) ва майдоннинг рақиб томон учинчи қисмига узатилган аниқ паслар (142) бўйича энг яхшиси.
Ярим ҳимоячилар
— Родри (Испания) — битта жаҳон чемпионатида аниқ паслар бериш бўйича рекорд ўрнатди (756), чизиқлар ўртасидаги узатмалар (122) ва тўп билан олдинга юришлар (164) бўйича етакчи.
— Джуд Беллингем (Англия) — еттита гол урди, бунда у йўллаган зарбаларнинг 37 фоизи голга айланди.
— Леандро Троссард (Бельгия) — иккита гол ва иккита голли узатма, ўйиндан зарба бериш учун шерикларига пас узатиш бўйича энг яхши кўрсаткич (17).
Ҳужумчилар
— Лионель Месси (Аргентина) — турнирнинг иккинчи тўпурари (саккизта гол), зарба бериш учун пас узатиш бўйича етакчи (25).
— Килиан Мбаппе (Франция) — ЖЧ-2026нинг энг яхши тўпурари (10 та гол) ва жаҳон чемпионатлари тарихидаги энг кўп гол урган рекордчи футболчи (жами 22 та гол).
— Эрлинг Холанд (Норвегия) — еттита гол урди, шу билан бирга бутун турнир давомида тўпга атиги 120 марта тегинди.
