Олий лига. "Шўртан" сафарда илк очкосини қўлга киритди

Фарғонада "Нефтчи" билан кечган беллашувда ғузорликлар 1:1 ҳисобида дуранг ўйнашди. Лазиз Убайдуллаев томонидан киритилган гол "Шўртан"га бир очкони тақдим этди. Жамоа бу ўйинга қадар олти марта сафарда тўп тепган бўлса, ҳаммасида мағлуб бўлганди. Бундан ташқари, ғузорликлар сафар ўйинларида атиги иккита гол уришганди.

"Шўртан"нинг сафар ўйинида очко олиши Легай ва Кочнев сингари янги мураббийлар бошчилигида рўй берди. Ўз навбатида "Нефтчи" бу турда ҳам ғалаба қозона олмади. Дарвоқе, "Нефтчи" Вадим Абрамов келганидан бери ҳали ютмади. Жамоа бунгача ўз майдонида "Динамо" ва "Металлург"га имкониятни бой берган, сафарда эса "Машъал" билан дуранг ўйнаганди. Энди бўлса уйда ҳам дуранг қайд этди. 

Х.Холиқов